Gálatas 6:7 - BIBLIA - traduson antigu in Krioulo

⁷ Ka bo ngana bo kabesa; ningin ka pudi fasi Deus diskarna. Kil ku omi sumia, i el ki na kebra tambi.

Gálatas 6:7 ပူးပေါင်းရင်းမြစ်များ

Jo 15:31

Ka i fia na kusas ku ka bali, i ngana si kabesa, pabia si pagamentu na sedu ki kusas ku ka bali.

Jo 4:8

Konformi kil ku N oja, jinti ku labra pekadu, e sumia mal, el ke na kebra.

Ditus 1:31

Asin e na risibi rusultadu di kusas ke fasi. Se planus pa mal na kai riba delis.

Ditus 11:18

Omi mau ta fika nganadu ku si pagamentu, ma kil ku ta sumia bondadi na risibi pagamentu sertu.

Ditus 6:14

Tudu tempu i ta fasi planus tortu konformi maldadi di si korson. I ta yanda i na sumia jus.

Ditus 6:19

tustumuña ku ta konta mintidas ku kil ku ta sumia jus na metadi di ermons.

Jeremias 37:9

Ami, SIÑOR, N fala: Ka bo ngana bo kabesa, bo fala kuma, sin duvida jinti di Babilonia na disa bos, e bai, pabia e ka na bai.

Ezekiel 14:5

N na fasi asin pa paña korson di pobu di Israel, mesmu ku tudu elis e disvia di mi, pa bai tras di se idulus.’

Oseias 10:12

N fala bos pa bo bai bo labra con ku nunka ka labradu, bo sumia bondadi pa bos, bo kebra frutu di amor, pabia tempu ciga pa buska SIÑOR, tok i bin manda cuba di bondadi riba di bos.

Oseias 10:13

Ma bo labraba pekadu, bo kebra maldadi, bo kume frutu di mintida. Suma ku bu fiansa na bu forsa, ku bu manga di tropa,

Oseias 8:7

“E ta sumia bentu, e ta kebra turbada. Kebur ka ten; pe di miju ka pudi padi; asin i ka na ten foriña. Ma nin si i tenba, stranjerus na ngulilba.

Obadias 1:3

Orgulyu di bu korson nganau, abo ku mora na kobas di rocas, bu kasa sta la riba; bu ta punta na bu sintidu: ‘Kin ku pudi batin na con?’

Lukas 16:25

“Abraon falal: ‘Fiju, lembra kuma bu risibi tudu ben na bu vida, Lazaru son mal. Gosi el i konsoladu, abo bu sta na kastigu.

Lukas 21:8

I fala elis: “Bo toma sintidu pa ka bo nganadu, pabia manga delis na bin na ña nomi, e na fala: ‘Ami i Kristu;’ e na fala tambi: ‘Tempu pertu.’ Ka bo bai se tras.

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

1 Koríntius 6:9

O bo ka sibi kuma kilis ku ta fasi mal ka na ten parti na renu di Deus?

2 Koríntius 9:6

Lembra kuma kil ku sumia puku, i ta oja puku. Kil ku sumia ciu i ta oja tambi ciu.

Gálatas 6:3

Si algin kuda kuma el i algin, ma el i ka ningin, i na ngana si kabesa.

Efésius 5:6

Ka bo disa ningin ngana bos ku palabra bakatela; i pabia de kusas propi ku raiba di Deus na bin riba di kilis ku ka ta obdisi.

2 Tesalonisensis 2:3

Ka bo disa ningin ngana bos di kualker manera, pabia ki dia ka na ciga te ora ku jinti bandona Deus, ku ki omi malvadu parsi ku distinadu pa nfernu.

Tiagu 1:22

Ka bo sedu son obiduris di palabra. Si i asin, bo na ngana bo kabesa. Bo sedu fasiduris di kil ku palabra fala.

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

1 Jon 1:8

Si no fala kuma no ka tene pekadu, no na ngana no kabesa; bardadi ka sta na nos.

1 Jon 3:7

Ña fijus, ka bo disa ningin ngana bos. Kil ku ta fasi kusas diritu, ki algin i justu, suma ku Kristu i justu.

Judas 1:18

E fala bos kuma, na kabantada de tempu, i na ten jinti fasiduris di trosa, ku na yanda konformi se diseẑu mau, sin mporta ku Deus.