Gálatas 6:3 - BIBLIA - traduson antigu in Krioulo

³ Si algin kuda kuma el i algin, ma el i ka ningin, i na ngana si kabesa.

Gálatas 6:3 ပူးပေါင်းရင်းမြစ်များ

Ditus 25:14

Kil ku ta purmiti kusas, ma i ka da, i suma nuven ku bentu ku ka tisi cuba.

Ditus 26:12

Bu ciga di oja un omi ku pensa kuma i jiru? Tulu mas ten speransa di ki el.

Lukas 18:11

Fariseu firma na un kau, i na oraba ku si kabesa de manera: ‘O Deus, N ta falau obrigadu, pabia N ka sedu suma utru jinti, ku ta furta, ku ta fasi mal, ku ta kiri minjeris di jinti; nin N ka sedu suma e kobradur di mpustu.

Atus 5:36

pabia i ten un tempu ku un omi lanta ku comadu Teudas, i fala kuma el i algin garandi. Serka di kuatrusentus omi junta ku el, ma dipus, i matadu; tudu kilis ku na sigilba pajiga; i fika na nada.

Romanus 12:16

Bo sedu unidu entri bos. Ka bo buska garandesa ma bo sedu amigu di jinti umildi. Ka bo oja na bo kabesa kuma bo sibi.

Romanus 12:3

Pabia di tarbaju ku Deus dan, N ta konta kada un di bos pa ka i pui si kabesa na lugar ki ka yangasa, ma kada kin ta pensa pa si kabesa pensamentu justu, suma midida di fe ku Deus dal.

1 Koríntius 13:2

N pudi tene don di anunsia rekadu di Deus, N kunsi tudu kusa sukundidu, N sibi tudu kusa; N pudi ten garandi fe pa N mundanta montis, ma si N ka ten amor, N ka na sedu nada.

1 Koríntius 3:18

Ka ningin ngana si kabesa. Si algin na bo metadi kuda kuma i ten jiresa de mundu li, i minjor i fasi tulu pa i pudi sedu jiru di bardadi,

1 Koríntius 8:2

Si algin kuda kuma i sibi kualker kusa, na bardadi i ka sibi suma ki dibi di sibi,

2 Koríntius 12:11

N fasi suma tulu manera ku N ngaba ña kabesa, ma abos ku obrigan pa N fasi asin. Abos ku dibi di ngabanba. Nin ku N ka sedu nada, ma N ka sta mas bas di ki ki bo garandi apostolus!

2 Koríntius 3:5

I ka ten nada na nos ku ta punu pa no fala kuma no sedu kapas di fasi kualker kusa. Puder ku no ten i ta bin di Deus.

Gálatas 2:6

Kilis ku parsiba kuma e sedu garandis di igreẑa (ma se garandesa i ka nada pa mi; Deus ka ta jubi parsensa di jinti); N fala: esis ku parsiba sedu garandis, e ka dan nobu ideia,

Gálatas 2:9

Oca ku Pedru, Tiagu ku Jon, ku parsiba sedu firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

2 Timótiu 3:13

Jinti mau, nganadur, e ta bai kada bias mas mau, e ta ngana utrus; e ta nganadu tambi,

Tiagu 1:22

Ka bo sedu son obiduris di palabra. Si i asin, bo na ngana bo kabesa. Bo sedu fasiduris di kil ku palabra fala.

Tiagu 1:26

Si algin kuda kuma i sedu riliẑiosu, ma i ka frianta si lingua, i na ngana si korson; si riliẑion i ka nada.

1 Jon 1:8

Si no fala kuma no ka tene pekadu, no na ngana no kabesa; bardadi ka sta na nos.