Gálatas 6:2 - BIBLIA - traduson antigu in Krioulo

² Bo juda ŋutru ku kargu; asin bo ta fasi kil ku lei di Kristu fala.

Gálatas 6:2 ပူးပေါင်းရင်းမြစ်များ

1 Kronikas 19:12

Joab fala Abisai: “Si sirus bin mas mi forsa, bu ta bin sakuran; si amonitas bin mas bo forsa, N ta bai sakurau.

Saida 23:5

Si bu oja buru di algin ku sta kontra bo i kai ku si kargu, ka bu bai sin judal. Bu ten ku juda si dunu pa i lantandal.

Isaias 58:6

“Es i junjun ku N kuji: pa bu dismanca kilis ku maradu ku korenti di injustisa, bu sapa kordas di katibus, bu larga kilis ku kalkadu, bu padasa tudu korentis.

Mateus 8:17

pa i pudi fasidu kil ku anunsiadur Isaias fala: “I karga no frakesa; i leba no duensa.”

Lukas 11:46

Jesus ruspundi: “Koitadi di bos tambi, duturis di lei. Bo ta karganta omis kargu kansadu pa karga. Abos propi, nin ku un dedu bo ka ta toka na ki kargu.

Bon Noba di Jesus Kristu ku Jon 13:34

N na da bos mandamentu nobu, pa bo ama ŋutru; suma ku N ama bos, asin tambi ku bo ta ama ŋutru.

Bon Noba di Jesus Kristu ku Jon 15:12

Es i ña mandamentu: pa bo ama ŋutru suma ku N ama bos.

Romanus 15:1

Anos ku sedu forti, no dibi di juda frakus na se frakesa. No ka dibi di fasi no propi vontadi,

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

1 Koríntius 9:21

Si N sta ku jinti ku ka tene lei di Moisés, N ta bida suma algin ku ka tene ki lei, pa N pudi ngaña elis. I ka suma N ka tene lei di Deus, ma N sta bas di lei di Kristu.

Gálatas 6:5

pabia kada kin ten ku karga si propi kargu.

Ripitison di Lei 1:12

Ma ami son, kuma ku N pudi nguenta kargu di bo purblemas ku bo keŝas?

1 Tesalonisensis 5:14

Ermons, no roga bos tambi pa bo raprindi risu kilis ku ka ta tarbaja; bo da koraẑen pa kilis ku ta medi; bo juda kilis ku fraku; bo ten pasensa ku tudu jinti.

Tiagu 1:25

ma kil ku jubi diritu pa lei pirfitu ku ta liberta, i pega nel, i ka sedu son obidur ku ta diskisi, ma fasidur di kil ku palabra fala, si dunu ta sedu sortiadu na kil ki ta fasi.

Tiagu 2:12

Bo fala, bo yanda, suma jinti ku na julgadu pa lei ku ta liberta.

Tiagu 2:8

Bo na fasi diritu si bo obdisi lei di renu ku sta na Skritura, ku fala: “Ama bu kumpañer suma bo propi.”

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

2 Pedru 2:21

I minjor pa e ka kunsi kamiñu diritu, te pa e kunsil, e bin disvia di santu mandamentu ke dadu.

2 Pedru 3:2

N misti pa bo lembra di palabras ku anunsiaduris di Deus fala disna, ku mandamentus ku bo apostolus risibi di Siñor i Salbadur, e da bos.

1 Jon 4:21

E mandamentu, i Kristu ku danu el, kuma kin ku ama Deus, pa i ama tambi si ermon.