Gálatas 6:17 - BIBLIA - traduson antigu in Krioulo

¹⁷ Gosi pa dianti ka ningin dan mas kansera, pabia marka ku N tene na ña kurpu mostra kuma ami i katibu di Jesus.

Gálatas 6:17 ပူးပေါင်းရင်းမြစ်များ

Isaias 44:5

Un son delis na fala: ‘Ami i di SIÑOR;’ ki utru na pui si kabesa nomi di Jakó; ki utru na bin skirbi na si mon kuma el i di SIÑOR; i na toma nomi di Israel pa i sedu si manteña.”

Ezekiel 9:4

i falal: “Pasa na metadi di prasa di Jerusalen, bu pui sinal na rostu di kilis ku sta tristi, e na cora pabia di kusas nujenti ku na fasidu la.”

Atus 15:24

Suma ku no obi kuma, utru jinti ku sai na no metadi (kontudu no ka manda elis) e kansa bos ku se palabra, e tarpaja bo pensamentu,

2 Koríntius 1:5

Suma ku sufrimentu di Kristu ciu, anos no toma parti nel, asin tambi ku no ta risibi garandi koraẑen pabia di Kristu.

2 Koríntius 4:10

Pa tudu ladu ku no na bai no ta tisi sempri mortu di Jesus na no kurpu, pa vida di Jesus pudi ojadu tambi na no kurpu.

Gálatas 1:7

Na bardadi i ka ten utru bon noba, ma i ten jinti ku na kunfundi bos; e misti tursi Bon Noba di Kristu,

Filipensis 3:10

N misti son kunsi Kristu, ku puder di si resureison, pa N toma parti na si sufrimentu, pa N parsi ku el na si mortu,

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

Ebreus 12:15

Bo toma sintidu pa ka ningin pirdi fabur di Deus, pa ka nin un rais malgos nasi pa kansa bos, i bin venena manga di jinti;

Josué 7:25

Josué puntal: “Ke ku manda bu tisinu mufunesa? Aos SIÑOR na tisi mufunesa riba di bo.” Asin tudu Israel fercal ku pedras, e ferca ki utrus tambi ku pedras, e kema elis ku fugu.

Apokalipsi 13:16

I obriga pa tudu jinti, pikininus ku garandis, rikus ku pobris, libris ku katibus, pa e pudu un sinal na se mon direita o na se testa,

Apokalipsi 13:17

pa ka ningin pudi kumpra nin bindi nada, son kilis ku tene sinal di nomi di besta, o numeru di si nomi.