Gálatas 6:13 - BIBLIA - traduson antigu in Krioulo

¹³ Mesmu kilis ku ta sirkunsida jinti e ka ta obdisi tudu lei; e misti son pa bo sirkunsidadu pa e njata suma ku bo seta fasi ki sirmonia di kurpu.

Gálatas 6:13 ပူးပေါင်းရင်းမြစ်များ

Mateus 23:15

“Koitadi di bos, pursoris di lei ku fariseus, finjiduris! Bo ta kamba mar, bo yanda-yanda teras pa pudi ngaña un konvertidu. Dipus di bo ngañal, bo ta fasil mersidur di nfernu dus bias mas di ki bos.

Mateus 23:23

“Koitadi di bos, pursoris di lei ku fariseus, finjiduris! Bo ta da Deus un na kada des kusa di orta, suma malgeta ku bagic ku kanja, ma bo ta diskisi di kusas mas importanti di lei, ku sedu yanda diritu, ten pena di jinti, ku sedu algin di fiansa. Bo dibi di fasi e kusas sin diskisi di ki utrus.

Mateus 23:3

Asin, tudu kil ke fala bos, bo para sintidu, bo fasi, ma ka bo fasi suma ke ta fasi, pabia e ta fala, e ka ta pratika.

Lukas 5:38

Biñu nobu dibi di pudu na saku di kuru nobu.

1 Koríntius 3:21

Asin, ka ningin njata na omi si kumpañer. Tudu i di bos:

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

2 Koríntius 11:18

Suma ku manga di utru jinti na njata na se puder, ami tambi N ta njata.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.