Gálatas 6:10 - BIBLIA - traduson antigu in Krioulo

¹⁰ Asin, nkuantu no ten manera, no fasi ben pa tudu jinti, ma purmeru pa no familia na fe.

Gálatas 6:10 ပူးပေါင်းရင်းမြစ်များ

Salmus 37:27

Lunjusi di mal, bu fasi ben; asin bu morada na sedu suguru pa sempri,

Salmus 37:3

Fiansa na SIÑOR, bu fasi ben; bu na mora na tera di Israel, bu kume diritu na kau suguru.

Ditus 3:27

Ka bu nega fasi ben pa algin ku mersi, si bu ten manera di judal.

Eklesiastis 3:12

N rapara kuma i ka ten kusa minjor pa elis mas di ki pa e fika kontenti, e fasi ben nkuantu e sta ku vida.

Eklesiastis 9:10

Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Mateus 10:25

Basta pa disipulu sta suma si mestre, pa kriadu sta suma si patron. Si e coma dunu di kasa Beelzebu, ku fadi restu di familia!

Mateus 12:50

pabia kil ku ta fasi vontadi di ña Pape ku sta na seu, el ki ña ermon macu, ña ermon femia ku ña mame.”

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Mateus 5:43

“Bo obi ke ku faladu: ‘Ama bu kumpañer, ma ka bu ama bu inimigu.’

Markus 3:4

I punta ki jinti: “Lei fala pa no fasi ben na dia di diskansu o pa no fasi mal? pa no salba vida o pa no mata?” E kala.

Lukas 6:35

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

Bon Noba di Jesus Kristu ku Jon 12:35

Jesus fala elis: “Lus inda sta ku bos pa puku tempu; bo yanda nkuantu bo tene lus, pa sukuru ka paña bos, pabia kin ku ta yanda na sukuru ka ta sibi pa nunde ki na bai nel.

Bon Noba di Jesus Kristu ku Jon 9:4

I pirsis pa N fasi tarbaju di kil ku mandan nkuantu i dia; noti na bin, ora ku ningin ka na pudi tarbaja.

Atus 6:7

Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

2 Koríntius 2:8

N pidi bos pa bo mostral ki garandi amor ku bo ten pa el.

Gálatas 1:23

E obi son ña noba, kuma kil ku ta pirsigi elis, gosi i na konta aserka di ki fe ki mistiba kaba ku el.

Efésius 2:19

Asin bo ka sedu mas stranjerus na un tera strañu, ma bo sedu ja di un tera juntu ku pobu di Deus; bo pertensi familia di Deus.

Efésius 3:15

kil ku tudu familia na seu ku tera ta toma si nomi.

Efésius 4:28

Kil ku ta furtaba, pa i para furta, i pega ku si mon, i fasi bon tarbaju, pa i pudi tene kil ku ciga pa i rapati ku kil ku ka tene.

Efésius 5:16

Bo purbita pa fasi tudu ku bo pudi, pabia no sta na mau tempu.

Filipensis 4:10

N sta kontenti dimas na Siñor suma ku, dipus di manga di tempu, bo torna mostra bo manera di kuida di mi. I ka kuma bo diskisi di mi, ma i manera di manda ku ka tenba.

Kolosensis 4:5

Bo yanda na jiresa ku kilis ku ka sedu krenti, bo purbita kada oportunidadi ku bo ten.

1 Tesalonisensis 5:15

Bo jubi pa ka ningin torna mal pa mal; bo buska fasi ben sempri, un pa utru, i pa tudu jinti.

1 Tesalonisensis 5:21

Bo proba tudu; bo guarda kil ki bon.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Titu 3:8

Es i palabra ku bu pudi fia nel. Konta e kusas ku firmesa, pa tudu kilis ku fia na Deus pui sintidu pa da se tempu pa fasi bon tarbaju. I ka son kuma i bon, ma i di purbitu pa tudu jinti.

Ebreus 13:16

Ka bo diskisi di fasi ben, bo rapati ku utrus kil ku bo tene, pabia i e koldadi sakrifisiu ku Deus ta kontenti ku el.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Pedru 4:17

I ciga ja tempu pa julgamentu kumsa na pobu di Deus. Si i kumsa na nos, kal ku na sedu fin di kilis ku nega obi Bon Noba di Deus?

1 Jon 5:1

Tudu kil ku fia kuma Jesus i Kristu i fiju di Deus. Tudu kil ku ama un pape, i ta ama tambi si fiju.

3 Jon 1:10

Ora ku N ciga la, N na pui klaru tudu si manobra, manera ki papia palabra mau kontra nos. I ka kontenti ku es; inda i ta nega risibi ki ermons; si utru misti risibi elis, i ta tuji, tok i ta misti tira elis fora di igreẑa.

3 Jon 1:11

Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.

3 Jon 1:3

N kontenti dimas oca ku ermons bin, e konta kuma ku bu sedu fiel; bu na yanda na bardadi.