Gálatas 5:26 - BIBLIA - traduson antigu in Krioulo

²⁶ Ka no sedu garandiosu, pa ba ta provoka ŋutru, pa nveẑa ŋutru.

Gálatas 5:26 ပူးပေါင်းရင်းမြစ်များ

Lukas 14:10

ma ora ku bu kumbidadu, bai sinta na lugar mas bas. Ora ku kil ku kumbidau bin, i ta falau: ‘Amigu, subi mas riba.’ Asin bu ta ten rispitu dianti di tudu kilis ku sta na mesa ku bo.

1 Koríntius 3:7

De manera, nin kil ku paranta o kil ku regua i ka nada, ma son Deus ku ta da kirsimentu.

Gálatas 5:15

Ma si bo na murdi, bo molosta ŋutru, bo toma sintidu pa ka bo kaba ku ŋutru.

Filipensis 4:15

Abos di Fílipus, bo sibi diritu, na kumsada di tarbaju di konta Bon Noba, oca ku N sai di Masedonia, kuma nin un igreẑa ka lembra di manda patin kualker sustentu, son abos.

Tiagu 4:16

Ma abos bo ta njata na bo fiansa. Tudu njatamentu de koldadi i mau.

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”