Gálatas 5:17 - BIBLIA - traduson antigu in Krioulo

¹⁷ Kil ku no naturesa umanu misti i kontra kil ku Spiritu misti. Kil ku Spiritu tambi misti i kontra no naturesa. E dus e ta geria kontra ŋutru; asin bo ka ta pudi fasi kil ku bo misti,

Gálatas 5:17 ပူးပေါင်းရင်းမြစ်များ

Kumsada 6:3

SIÑOR fala: “Ña spiritu ka na fika na omi pa sempri, pabia si kurpu ten ku muri. Pabia des, i na vivi son 120 anu.”

Salmus 119:133

Gia ña pasu konformi bu palabra; ka bu disa nin un pekadu manda na mi.

Salmus 119:159

Jubi kuma ku N gosta di bu ordis, SIÑOR; arnoba ña vida konformi bu bondadi.

Salmus 119:176

N na yanda-yanda suma karnel ku pirdi; bin bu buska bu servu, pabia N ka diskisi di bu mandamentus.

Salmus 119:20

Ña korson na yardi ku diseẑu di tene bu lei tudu ora.

Salmus 119:32

N na kuri na kamiñu di bu mandamentus ora ku bu burin ntindimentu.

Salmus 119:35

Judan yanda na kamiñu di bu mandamentus, pabia N ta sinti sabi nel.

Salmus 119:40

N dija obi bu ordis; arnoban na bu retidon.

Salmus 130:3

SIÑOR, si bu fasi lista di pekadus, kin ku pudi firma?

Salmus 65:3

Pekadus ngaña riba di nos, ma bu ranja manera di purda mal ku no fasi.

Eklesiastis 7:20

Na bardadi i ka ten omi justu na mundu ku ta fasi kil ki sertu, ku nunka ka ta peka.

Isaias 6:5

N fala: “Ai di mi! N sta pirdidu, pabia N sedu omi di boka susu, N mora na metadi di jinti di boka susu, ma ña uju oja Rei, SIÑOR ku ten tudu puder!”

Mateus 12:30

Kil ku ka sta ku mi i kontra mi. Kil ku ka na judan junta kusas, i na pajigal.

Mateus 16:17

Jesus ruspundi, i falal: “Simon, fiju di Jonas, abo i sortiadu, pabia i ka omi ku mostrau e kusa, ma i ña Pape ku sta na seu.

Mateus 16:23

Jesus rabida i fala Pedru: “Sai ña dianti, Satanas! Bu na disvian di ña kamiñu, pabia bu pensamentu i ka bin di Deus, ma i di omi.”

Mateus 26:41

Bo toma sintidu, bo ora, pa ka bo kai na tentason. Bardadi, vontadi sta pruntu, ma kurpu i fraku.”

Mateus 5:6

“Sortiadu i kilis ku ta faima pa fasi ke ku Deus misti, pabia Deus na bin fartanda elis.

Lukas 22:33

Pedru falal: “Siñor, N sta pruntu pa bai ku bo kalabus, nin si i pa muri.”

Lukas 22:46

I punta elis: “Ke ku manda bo na durmi? Bo lanta, bo ora, pa ka bo kai na tentason.”

Bon Noba di Jesus Kristu ku Jon 3:6

Na kurpu algin ta padidu na si papes; spiritualmenti i ta padidu na Spiritu di Deus.

Romanus 8:13

Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

Gálatas 3:21

Nta lei na fala kontra purmesas di Deus? Nau. Si i daduba un lei ku pudiba da vida, nta algin pudi ojaduba justu pabia di ki lei,

Tiagu 3:2

Anos tudu no ta yara ciu, ma si algin ka ta yara na palabra, si dunu i diritu, i pudi tambi manda na tudu si kurpu.