Gálatas 5:13 - BIBLIA - traduson antigu in Krioulo

¹³ Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Gálatas 5:13 ပူးပေါင်းရင်းမြစ်များ

Isaias 61:1

Spiritu di SIÑOR Deus sta riba di mi, pabia SIÑOR unjin pa N konta bon noba pa koitadis; i mandan pa N kura kebrantadus di korson, pa N anunsia liberdadi pa katibus, ku abertura di kalabus pa kilis ku ficadu,

Lukas 4:18

“Spiritu di Siñor sta riba di mi, pabia i unjin pa N konta Bon Noba pa pobris;

Atus 20:35

N mostra bos na tudu kusa kuma no dibi di tarbaja ciu pa pudi juda duentis ku frakus. No dibi di lembra palabra di Siñor Jesus ku fala: ‘I mas minjor da di ki bo risibi.’ ”

1 Koríntius 8:9

Bo jubi pa bo liberdadi ka bin sedu motivu pa frakus mbaransa.

1 Koríntius 9:19

Ami i omi libri; N ka sedu katibu di ningin, ma N fasi ña kabesa katibu di tudu jinti pa N ngaña jinti mas ciu ku N pudi.

2 Koríntius 12:15

N ta kontenti pa gasta tudu ku N tene, te ña kurpu, pa juda bos. N na ama bos kada bias mas; N dibi di sedu menus amadu tambi?

2 Koríntius 2:8

N pidi bos pa bo mostral ki garandi amor ku bo ten pa el.

2 Koríntius 3:17

Agora, Siñor ku e palabra fala del, i Spiritu. Nunde ku Spiritu di Siñor sta, liberdadi sta la.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Gálatas 4:22

I sta skritu kuma Abraon teneba dus fiju, un di katibu, utru di si minjer libri.

Gálatas 5:1

Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Gálatas 5:14

Tudu lei sta juntu ne un palabra: “Ama bu kumpañer suma bo propi.”

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Efésius 5:21

Bo suẑeta ŋutru suma ku bo rispita Kristu.

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

1 Pedru 2:16

Bo yanda na liberdadi, ma ka bo usa liberdadi pa kubri mal ku el. Bo yanda suma katibus di Deus.

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.