Gálatas 5:1 - BIBLIA - traduson antigu in Krioulo

¹ Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Gálatas 5:1 ပူးပေါင်းရင်းမြစ်များ

Salmus 51:12

Tornan alegria di bu salbason; Dan un spiritu pruntu ku na nguentan.

Ditus 23:23

Kumpra bardadi, ka bu bindil; kumpra tambi jiresa, nsinamentu ku ntindimentu.

Isaias 61:1

Spiritu di SIÑOR Deus sta riba di mi, pabia SIÑOR unjin pa N konta bon noba pa koitadis; i mandan pa N kura kebrantadus di korson, pa N anunsia liberdadi pa katibus, ku abertura di kalabus pa kilis ku ficadu,

Mateus 23:4

E ta pui lei kansadu riba di jinti suma ke na karganta elis un kargu pisadu ku kuas i ka pudi nguentadu. Elis gora, nin ku un dedu e ka misti toka na ki kargu.

Lukas 5:38

Biñu nobu dibi di pudu na saku di kuru nobu.

Atus 15:10

Asin, ke ku manda bo na tenta Deus, bo na pui riba di ombra di krentis garandi kargu ku nin no papes nin anos no ka pudi nguenta?

Romanus 6:14

Pekadu ka na ten forsa riba di bos, suma bo ka sta bas di lei, ma bo sta bas di fabur di Deus.

Romanus 6:18

Bo libradu di pekadu; bo fasidu katibu pa fasi ben.

Romanus 7:3

Si i bai kiri utru omi ku si maridu bibu inda, i ta faladu kuma i sta na adulteriu, ma, si maridu muri, minjer sta libri di ki lei. Si i bai kasa ku utru, i ka suma i sta na adulteriu.

Romanus 7:6

ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

1 Koríntius 16:13

Bo toma sintidu, bo fika firmi na fe. Bo sedu forti suma omi balenti.

1 Koríntius 7:22

Kil ku Siñor coma, mesmu ki sedu katibu, i omi libri ku pertensi Siñor. Kil tambi ku comadu, nin ki sedu libri, i katibu di Kristu.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

2 Koríntius 3:17

Agora, Siñor ku e palabra fala del, i Spiritu. Nunde ku Spiritu di Siñor sta, liberdadi sta la.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Gálatas 3:25

Suma ku fe bin ja, no ka sta mas bas di mestre.

Gálatas 4:26

ma Jerusalen di seu i libri; el ki no mame.

Gálatas 4:31

Asin, ña ermons, no ka sedu fijus di katibu, ma di minjer libri.

Gálatas 4:9

Gosi ku bo kunsi Deus, o N dibi di fala, ku Deus kunsi bos, kuma ku bo pudi riba mas pa ki leis fraku i pobri? Pabia di ke ku bo misti sedu se katibu utru bias?

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Efésius 6:14

Asin, bo firma risu; bo tene bardadi suma sintu ku bo mara; bo vida retu i ta sedu bo armadura di pitu.

Filipensis 1:27

Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

1 Tesalonisensis 3:8

Gosi no ta sinti vida si bo sta firmi na Siñor.

2 Tesalonisensis 2:15

Asin ermons, bo fika firmi; bo pega na kusas ku no nsina bos ku boka suma ku karta.

Ebreus 10:23

No pega tesu na fala di no speransa, pabia kil ku da purmesa i di fiansa.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

Ebreus 3:6

ma Kristu, suma Fiju, i fiel na si propi kasa. I anos ku sedu ki kasa, si no rakada no fiansa ku no speransa gloriosu firmi te na fin.

Ebreus 4:14

Suma ku no tene un garandi Ŝef di Saserdoti ku sedu Jesus, Fiju di Deus, ku yentra dentru di seu, no fika firmi na no fe.

1 Pedru 2:16

Bo yanda na liberdadi, ma ka bo usa liberdadi pa kubri mal ku el. Bo yanda suma katibus di Deus.

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.

Apokalipsi 2:25

Kil ku bo tene, bo pega nel tok N bin.

Apokalipsi 3:3

Asin, lembra di kusas ku bu nsinadu, ku bu obi; bu obdisi elis, bu ripindi. Si bu ka disperta, N na bin riba di bo suma ladron; bu ka ta sibi na kal ora ku N na bin.