Gálatas 4:5 - BIBLIA - traduson antigu in Krioulo

⁵ pa i pudi liberta kilis ku staba bas di lei, pa no pudi bin sedu fijus di Deus.

Gálatas 4:5 ပူးပေါင်းရင်းမြစ်များ

Mateus 20:28

suma Fiju di omi, ku ka bin pa i sirbidu, ma pa sirbi, i pa da si vida pa libra manga di jinti.”

Lukas 1:68

“No ngaba Siñor Deus di Israel, pabia i bin visita si pobu, i liberta elis.

Bon Noba di Jesus Kristu ku Jon 1:12

ma tudu jinti ku setal, kilis ku fia na si nomi, i da elis diritu di sedu fijus di Deus.

Atus 20:28

Asin, bo toma sintidu ku bo kabesa, ku ki grupu di krentis ku Spiritu Santu fasi bos garandis riba del, pa bo pudi sedu pastoris ku na alimenta igreẑa di Deus, ki liberta ku si sangi propi.

Romanus 10:4

Kristu i kabantada di lei di Moisés, pa tudu kilis ku seta Kristu pudi ojadu justu.

Romanus 8:14

Tudu kilis ku Spiritu di Deus na gia, elis i fijus di Deus.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Romanus 8:19

Tudu ku Deus kumpu ta faima pa ki dia ku Deus na mostra kilis ku sedu si fijus,

Romanus 8:23

I ka el son, ma anos tambi ku risibi purmeru pursenti di Deus, ku sedu si Spiritu, no na jimi dentru di nos, suma ku no na pera pa Deus fasinu si fijus, pa i libra no kurpu.

Romanus 9:4

I elis ku sedu israelitas; Deus fasi elis si fijus, i rapati gloria ku elis, i fasi kontratu ku elis, i da elis lei; i elis ku ten sirmonia di bardadi, ku purmesas.

Gálatas 3:13

Suma ku Kristu bida maldison pa nos, i kaplintinu di maldison ku lei tisi, pabia i sta skritu kuma, tudu kil ku pindradu na krus di madera i maldisuadu.

Gálatas 3:26

Pabia di fe na Kristu Jesus, abos tudu bo sedu fijus di Deus.

Gálatas 4:21

Pera N punta bos utrus ku misti sta bas di lei: Bo ka obi ke ku lei fala?

Gálatas 4:7

Asin bu ka sedu mas katibu, ma bu sedu fiju. Si abo i fiju, Deus na dau tudu ki tene pa si fijus.

Efésius 1:5

I distinanu pa no sedu si fijus pa meiu di Jesus Kristu. Es i sedu si vontadi, i si alegria.

Efésius 1:7

Pabia di si sangi no libertadu, no pekadu purdadu, konformi rikesa di fabur di Deus

Efésius 5:2

Bo yanda ku amor, suma ku Kristu tambi amanu, i da si vida pa nos, suma oferta ku sakrifikadu, ku ta da bon ceru ku Deus ta kontenti ku el.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 9:12

Oca Kristu pasa na ki tenda, i yentra un bias pa sempri na lugar mas sagradu di tudu, i ka ku sangi di bodi ku di fiju di baka, ma ku si propi sangi; i ngaña libertason pa nos pa sempri.

Ebreus 9:15

E ku manda i ranja nobu kontratu na metadi di nos ku Deus, pa kilis ku comadu pudi risibi yardansa ku ka ta kaba ku Deus fala i na da. Es pudi sedu son pabia di un mortu, ku ta liberta jinti di mal ke fasi na tempu di purmeru kontratu.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

Apokalipsi 14:3

E na kantaba un kantiga nobu dianti di tronu, dianti tambi di ki kuatru kriatura bibu ku ki garandis. Ningin ka pudi sibi ki kantiga, son ki 144.000 jinti na tera ku kumpradu na katiberasku, elis son.

Apokalipsi 5:9

E na kantaba un kantiga nobu ku fala: “Abo i mersidur di toma libru, pa kebra si selus, pabia bu matadu; ku bu sangi bu kumpra omis pa Deus di tudu rasa, tudu lingua, tudu pobu ku tudu nason.