Gálatas 4:4 - BIBLIA - traduson antigu in Krioulo

⁴ Oca tempu propi ciga, Deus manda si Fiju, ku padidu di minjer, i kria bas di lei,

Gálatas 4:4 ပူးပေါင်းရင်းမြစ်များ

Kumsada 3:15

N na pui inimisadi na metadi di bo ku minjer, na metadi di bu jorson ku jorson di minjer. I na masau na kabesa, bu na murdil na kalkañada.”

Kumsada 49:10

Bingala di rei ka na sai na Judá, nin i ka na falta algin na si jorson ku na rena, te ora ku Siló bin, ku tudu nasons na obdisi.

Isaias 48:16

“Bo ciga pertu di mi, bo sukuta e kusa: Nada N ka papia na sigridu disna di kumsada; na tempu ku ki kusas fasidu, N staba la.” Gosi SIÑOR Deus pui si Spiritu na mi, i mandan.

Isaias 7:14

SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Jeremias 31:22

Fiju disobdienti, te kal tempu ku bu na yara ku kamiñu, bu na yanda-yanda? SIÑOR kumpu un kusa nobu na mundu: un minjer ku na proteẑi un omi.”

Zakarias 6:12

bu falal kuma SIÑOR ku ten tudu puder fala: ‘Ali omi ku tene nomi di Ramu; i na kirsi na kau ki sta nel, i na kumpu kasa di SIÑOR.

Malakias 3:1

SIÑOR ku ten tudu puder i fala: “Jubi, N na manda ña servu ku na kumpu kamiñu dianti di mi. Siñor ku bo na buska i na bin di repenti pa si templu; kil ku bo misti i na bin, i tisi kontratu.”

Numerus 28:22

Bo na da tambi un kabra macu suma oferta pa pekadu pa bo pudi purdadu.

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Mateus 3:15

Jesus ruspundi i falal: “Disa kila, pabia de manera no ta fasi kil ku Deus misti.” Asin Jon seta.

Mateus 5:17

“Ka bo pensa kuma N bin pa kaba ku lei di Moisés o ku nsinamentu di anunsiaduris. N ka bin pa kaba ku el, ma N bin pa pul na pratika.

Markus 1:15

“Tempu ciga ja. Renu di Deus sta ja pertu. Bo ripindi di bo pekadu, bo fia na Bon Noba.”

Lukas 1:31

Jubi, bu na paña bariga, bu na padi un fiju, bu na pul nomi di Jesus.

Lukas 1:35

Anju ruspundi i falal: “Spiritu Santu na ria riba di bo; puder di ki Deus ku sta riba di tudu i na kubriu ku si sombra. E ku manda ki mininu santu ku bu na padi i na comadu Fiju di Deus.

Lukas 2:7

I padi si purmeru fiju, i mbuljal na panus, i ditandal na kaŝa nunde ku limarias ta kume nel, pabia i ka tenba lugar pa elis na kasa di ospris.

Lukas 20:44

Si Davi comal Siñor, kuma ki pudi sedu si fiju?”

Bon Noba di Jesus Kristu ku Jon 1:14

Kil ki Palabra i bida omi; i mora na no metadi, incidu di grasa ku bardadi. No oja si gloria, ku seduba gloria di ki un Fiju son di si Pape.

Bon Noba di Jesus Kristu ku Jon 10:36

kuma ku bo fala gora kuma ami, ku ña Pape santifika, i manda pa mundu, N lebsil pabia N fala kuma ami i Fiju di Deus?

Bon Noba di Jesus Kristu ku Jon 3:16

Deus ama jinti di mundu dimas, tok i da si uniku Fiju, pa tudu kil ku setal ka ta pirdi, ma i ta tene vida ku ka ta kaba.

Bon Noba di Jesus Kristu ku Jon 6:38

Ami N ria na seu, i ka pa N fasi ña vontadi, ma pa N fasi vontadi di kil ku mandan.

Bon Noba di Jesus Kristu ku Jon 8:42

Jesus fala elis: “Si Deus seduba bo Pape, na bardadi bo na amanba, pabia ami N bin di Deus, N ka bin di mi propi, ma i el ku mandan.

Atus 1:7

I ruspundi elis: “Bo ka ten diritu di sibi tempu o dia ku ña Pape marka pa si propi puder,

Romanus 1:3

E Bon Noba i di si Fiju, Jesus Kristu no Siñor, ku padidu na jorson di sangi di Davi,

Romanus 15:8

N fala kuma Jesus Kristu fasidu servu di judeus, pa mostra kuma Deus i di bardadi, pa i konfirma purmesas ku Deus fasi no papes antigu,

Romanus 5:6

Oca inda no sedu fraku, Kristu muri pa jinti mau na tempu propi.

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

Efésius 1:10

E planu, ku Deus na kompleta ora ku tempu ciga, i pa junta tudu ki kumpu, na seu suma na tera, pa fasi un son, ku Kristu suma kabesa.

Kolosensis 2:14

i riska dibida ku skirbiduba kontra nos, ku regras ku na kansanuba; i tomal, i pregal na krus.

1 Timótiu 2:6

kil ku da si kabesa pa liberta tudu jinti, pa da proba na tempu propi kuma Deus misti salba tudu jinti.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Ebreus 2:14

Suma ku fijus ta junta karni ku sangi, asin tambi ku el i junta ne mesmu kusas, pa i pudi muri; pabia di si mortu i pudi vensi kil ku ten puder riba di mortu, ku sedu diabu,

Ebreus 9:10

pabia i un kusa ku na fasidu son ku kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.

1 Jon 4:14

No oja, no konta kuma Deus no Pape manda si Fiju pa i sedu Salbadur di mundu.

1 Jon 4:2

Asin ku bo ta pudi rapara si i Spiritu di Deus: Tudu algin ku fala klaru kuma Jesus Kristu bin suma omi, i tene Spiritu di Deus.