Gálatas 4:30 - BIBLIA - traduson antigu in Krioulo

³⁰ Ma ke ku Skritura fala? I fala kuma, pa serka katibu ku si fiju, pabia fiju di katibu ka na ten parti na yardansa juntu ku fiju di libri.

Gálatas 4:30 ပူးပေါင်းရင်းမြစ်များ

Bon Noba di Jesus Kristu ku Jon 8:35

Katibu ka ta fika pa sempri na familia, ma fiju, sempri i ta pertensi familia.

Romanus 11:2

Deus ka nega si pobu ki kunsi disna di kumsada. O bo ka sibi ke ku Skritura konta di Elias, kuma ki papia ku Deus kontra Israel? I fala:

Romanus 4:3

Nta ke ku Skritura fala? I fala kuma: “Abraon fia na Deus; si fiansa pui Deus ojal justu.”

Gálatas 3:22

ma Skritura fala kuma, tudu jinti sta bas di puder di pekadu, pa Deus pudi da krentis ki kusa ki fala i na da kilis ku fia na Jesus Kristu.

Gálatas 3:8

Skritura jumna mostra kuma, Deus ta fasi jintius justu si dianti pabia di se fe, suma ku Deus konta Abraon Bon Noba kuma, tudu nasons ten ku sedu bensuadu pabia del.

Gálatas 4:22

I sta skritu kuma Abraon teneba dus fiju, un di katibu, utru di si minjer libri.

Gálatas 4:31

Asin, ña ermons, no ka sedu fijus di katibu, ma di minjer libri.

Tiagu 4:5

Bo kuda kuma Skritura fala amonton kuma, spiritu ku Deus pui na nos i kumboseru?