Gálatas 4:14 - BIBLIA - traduson antigu in Krioulo

¹⁴ ma mesmu ku stadu di ña kurpu seduba un proba pa bos, bo ka njutin, nin bo ka negan, ma bo risibin suma anju di Deus, o suma Kristu Jesus propi.

Gálatas 4:14 ပူးပေါင်းရင်းမြစ်များ

2 Samuel 14:17

N kuda tambi kuma palabra di Ñu Rei na dan diskansu, pabia Ñu Rei i suma un anju di Deus ku ta rapara ben ku mal. SIÑOR bu Deus ta sta ku bo.”

2 Samuel 19:27

Fora di kila, i konta mintida pa mi dianti di Ñu Rei; ma Ñu Rei i suma anju di Deus. Gosi i ta fasi kil ki oja kuma i bon,

Jo 12:5

Kilis ku sta suguru e ta njuti sufrimentu ku na bati kil ku si pe na lalu.

Salmus 119:141

Ami i ka ningin, N disprezadu, ma N ka ta diskisi di bu mandamentus.

Eklesiastis 9:16

Asin N fala: “Jiresa i minjor di ki forsa,” mesmu ku jiresa di koitadi i njutidu, si palabras ka obidu.

Zakarias 12:8

Na ki dia SIÑOR na guarda moraduris di Jerusalen. Kilis na se metadi ku sedu mas fraku na sedu suma Davi; familia di Davi na sedu suma Deus, suma anju di SIÑOR ku sta dianti delis.

Malakias 2:7

Saserdoti dibi di guarda kuñisimentu; omis dibi di buska nsinamentu di si boka, pabia i el ku ta konta rekadu di SIÑOR ku ten tudu puder.

Mateus 10:40

“Kin ku risibi bos, i ami ki risibi; kin ku risibin, i risibi kil ku mandan.

Mateus 18:5

Kualker ku risibi un mininu suma es na ña nomi, i ami ki risibi,

Mateus 25:40

Rei na ruspundi elis: ‘Na bardadi, N na konta bos, kada bias ku bo fasilba pa un de ña ermons mas pikininu, i ami propi ku bo fasil.’

Lukas 10:16

Dipus i fala disipulus: “Kin ku sukuta bos, i ami ki sukuta; kin ku nega bos, i ami ki nega. Kin ku negan, i nega kil ku mandan.”

Bon Noba di Jesus Kristu ku Jon 13:20

N na konta bos bardadi kuma, kin ku risibi kil ku N manda, i ami ki risibi. Kin ku risibin ta risibi kil ku mandan.”

1 Koríntius 1:28

Deus kuji kil ku mundu njuti, ku jinti oja kuma i ka bali, ku ka sedu nada, pa kaba ku kil ku sedu kusa,

1 Koríntius 4:10

No sedu tulu pabia di Kristu, ma abos bo jiru na Kristu; anos i fraku ma abos bo forti. No njutidu; abos bo rispitadu.

2 Koríntius 5:20

Asin, no bin suma mbaŝadur di Kristu. I suma ki Deus propi ku na roga bos ku no boka. No pidi bos, na nomi di Kristu, pa bo fasi pas ku Deus.

Gálatas 3:26

Pabia di fe na Kristu Jesus, abos tudu bo sedu fijus di Deus.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Gálatas 4:13

Bo sibi kuma i duensa na ña kurpu ku pun pa N bai konta bos Bon Noba purmeru bias,

Gálatas 4:15

Kontentamentu ku bo tenba, nunde ki bai? N pudi da tustumuñu kuma, si bo pudiba, bo ta rinka bo ujus, bo danba.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

Ebreus 13:2

Ka bo diskisi di risibi ospri na bo kasa. Utru jinti ku fasi asin e risibi anjus sin e ka sibi.