Gálatas 3:9 - BIBLIA - traduson antigu in Krioulo

⁹ Abraon fia; Deus bensual. Tudu kil ku fia tambi, Deus ta bensual juntu ku Abraon.

Gálatas 3:9 ပူးပေါင်းရင်းမြစ်များ

Kumsada 24:1

Abraon beju ba ja; SIÑOR bensualba na tudu kusa.

Romanus 4:11

I risibi sirkunsison suma sinal di kuma i sedu justu pabia di si fe antis di i sirkunsidadu, pa i pudi sedu pape di tudu kilis ku fia ku ka sirkunsidadu, pa elis tambi pudi ojadu justu;

Romanus 4:16

Asin purmesa i pabia di fe, pa i pudi dadu di grasa, pa i sedu purmesa sertu pa jorson di Abraon. I ka son pa kilis ku tene lei, ma tambi kilis ku ten fe suma Abraon, kil ku sedu pape di nos tudu.

Romanus 4:24

ma tambi pa nos ku na ojadu justu, anos ku fia na Deus ku lantanda Jesus no Siñor di mortu.

Gálatas 3:14

Kristu fasi asin pa benson ku Deus fala i na da Abraon pudi dadu pa jintius pabia di Jesus Kristu, pa anos, suma no fia, no pudi risibi Spiritu ku Deus fala i na da.

Gálatas 3:29

Si bo pertensi Kristu, bo sedu jorson di Abraon, bo na risibi kil ku Deus fala i na da.

Gálatas 4:28

Anos, ermons, no sedu fijus suma Isak, konformi Deus falaba.