Gálatas 3:29 - BIBLIA - traduson antigu in Krioulo

²⁹ Si bo pertensi Kristu, bo sedu jorson di Abraon, bo na risibi kil ku Deus fala i na da.

Gálatas 3:29 ပူးပေါင်းရင်းမြစ်များ

Mateus 3:9

Ka bo ba ta njata kuma Abraon i bo pape, pabia N na fala bos kuma, te de pedras propi, Deus pudi lantanda fijus pa Abraon.

Romanus 8:17

Suma no sedu fijus, no na yarda rikesa di Deus. No na risibil juntu ku Kristu, si kontra no na sufri ku el pa no pudi tambi ten parti na si gloria.

1 Koríntius 15:23

Kada kin na lantandadu na si ordi: Kristu purmeru; dipus, ora ki bin, kilis ki di sil.

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

Gálatas 3:16

Agora, Deus da si purmesa pa Abraon ku si fiju. Skritura ka fala “fijus” ku sedu manga delis, ma i fala “pa bu fiju” ku sedu un son, ki Kristu.

Gálatas 3:18

Si kil ku Deus na da i sedu pabia di lei, nta i ka pabia di purmesa, ma na bardadi Deus pati Abraon ki kusa pabia i purmiti.

Gálatas 3:28

Asin i ka ten judeu ku gregu, i ka ten katibu ku libri, i ka ten macu ku femia, pabia abos tudu bo sedu un son na Kristu Jesus.

Gálatas 3:7

Bo dibi di ntindi kuma, jinti ku ten fe, elis ku sedu fijus di Abraon.

Gálatas 4:1

Pa no kontinua, fiju ku na risibi yardansa di si pape, nkuantu i nobu i ta tratadu suma katibu, nin ku tudu i di sil.

Gálatas 4:7

Asin bu ka sedu mas katibu, ma bu sedu fiju. Si abo i fiju, Deus na dau tudu ki tene pa si fijus.

Gálatas 5:24

Kilis ku sedu di Kristu Jesus e krusifika se naturesa umanu, ku tudu diseẑu mau ku na yardi dentru di ki naturesa.

Gálatas 6:16

Pa tudu kilis ku na yanda konformi e nsinamentu, pas ku miserikordia ta sta riba delis, tambi riba di tudu Israel di Deus.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

Titu 3:7

pa no pudi ojadu justu dianti di Deus pabia di si fabur, pa no bin tene vida ku ka ta kaba, konformi speransa ku no ten.

Ebreus 1:14

Ke ku sedu anjus? Elis i spiritus ku ta sirbi, ku Deus manda pa e bin juda kilis ku na bin tene salbason.

Ebreus 11:18

kontudu Deus falalba: “I na Isak ku bu jorson na sai.” Abraon fasi di konta kuma, Deus ten puder te di lantandal di mortu.

Ebreus 11:7

I fe ku pui Noe, oca Deus avisal di kusas ki ka oja inda, i seta, i kumpu barku pa salba si familia. Pabia di kila, mundu kondenadu, ma Deus oca Noe justu pabia di si fe.

Ebreus 6:17

Asin Deus misti mostra klaru pa kilis ku na risibi kusa ki fala i na da, kuma, kusa ki tene na sintidu ka na maina. E ku manda i papia ku juramentu.

Tiagu 2:5

Ña kiridu ermons, bo sukuta. Deus kuji koitadis de mundu pa e sedu riku na fe, pa e yarda renu ki fala i na da kil ku amal,

Apokalipsi 21:7

Kil ku ngaña, i na yarda tudu e kusas. Ami N na sedu si Deus, el i na sedu ña fiju.