Gálatas 3:2 - BIBLIA - traduson antigu in Krioulo

² Son es ku N misti sibi di bos: Bo risibi Spiritu di Deus pabia di fasi kil ku lei fala, o pabia bo fia na Bon Noba ku bo obi?

Gálatas 3:2 ပူးပေါင်းရင်းမြစ်များ

Atus 15:8

Deus, ku kunsi korson di jinti, i mostra si kontentamentu ku elis, i da elis Spiritu Santu suma ki danu tambi.

Atus 2:38

Pedru fala elis: “Bo ripindi, kada un di bos, bo batisadu na nomi di Jesus Kristu, pa bo pekadu pudi purdadu. Asin bo ta risibi Spiritu Santu ku Deus na da bos,

Atus 8:15

Oca e ciga, e ora pa elis pa e pudi risibi Spiritu Santu.

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

1 Koríntius 9:21

Si N sta ku jinti ku ka tene lei di Moisés, N ta bida suma algin ku ka tene ki lei, pa N pudi ngaña elis. I ka suma N ka tene lei di Deus, ma N sta bas di lei di Kristu.

2 Koríntius 11:4

pabia si algin bin, i konta bos aserka di utru Jesus fora di kil ku no konta aserka del, o si bo risibi utru spiritu fora di kil ku bo risibi ja, o utru Bon Noba ku ka juntu ku kil ku bo seta ja, bo ta ngulil ku kontentamentu!

Gálatas 3:14

Kristu fasi asin pa benson ku Deus fala i na da Abraon pudi dadu pa jintius pabia di Jesus Kristu, pa anos, suma no fia, no pudi risibi Spiritu ku Deus fala i na da.

Gálatas 3:3

Kuma ku bo sedu tulu asin? Bo kumsa na Spiritu di Deus, bo misti kabanta na bo forsa!

Gálatas 3:5

Deus ta da bos Spiritu, i ta fasi milagris na bo metadi. I ta fasil pabia bo fasi kil ku lei fala, o pabia bo fia na Bon Noba ku bo obi?

Ebreus 2:4

Deus junta si tustumuñu juntu ku di selis, manera ki fasi manga di koldadi sinal ku milagri, i rapati tambi dons di Spiritu Santu suma ki misti.

Ebreus 4:2

pabia anos tambi no kontadu Bon Noba suma elis, ma palabra di Bon Noba ke kontadu ka tenba nin purbitu nelis, pabia i ka kontra ku fe na kilis ku obil.

Ebreus 6:4

Kilis ku ciga di risibi lus di Deus, ku sinti gustu ja di kil ku Deus danu di seu, ku toma parti na Spiritu Santu,

1 Pedru 1:12

Deus mostra elis kuma, kusas ke na trata i ka pa elis, ma i pa bos. Kilis ku konta bos Bon Noba na puder di Spiritu Santu ku mandadu di seu, e konta bos ja e kusas — ki kusas ku anjus propi misti ntindi.