Gálatas 3:15 - BIBLIA - traduson antigu in Krioulo

¹⁵ Ermons, N misti da bos un isemplu di kusa ku bo na ntindi. Si un omi fasi testamentu, i sina si nomi nel, ningin ka pudi pajigal nin buri utru kusa la.

Gálatas 3:15 ပူးပေါင်းရင်းမြစ်များ

1 Kronikas 16:16

ki kontratu ki fasi ku Abraon, ki juramentu ki fasi pa Isak.

Atus 1:15

Na ki dias, na un runion nunde ku kuas sentu i vinti disipulu junta, Pedru lanta na se metadi, i fala:

Romanus 1:13

Ermons, N misti pa bo sibi kuma manga di bias N pui pa N bai jubi bos, pa N pudi ten algun frutu na bo metadi, suma N tenba ja na utru jintius, ma te gosi N tujidu bai.

Romanus 3:5

Si manera ku no ta fasi mal i ta mas pui bondadi di Deus raparadu, ke ku no pudi fala? O Deus i injustu nan, ora ki na kastiganu ku raiba? (N na fala suma omi.)

Romanus 6:19

Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

1 Koríntius 15:32

Si i son pa kualker purbitu de mundu ku N luta na Éfesu ku limarias brabu, ke ku N ngaña? Si mortus ka ta lantandadu, “I minjor no kume, no bibi, pabia amaña no na muri.”

Gálatas 6:18

Ermons, fabur di no Siñor Jesus Kristu ta sta ku bo spiritu. Amen.

Ebreus 6:13

Oca ku Deus fasi si purmesa pa Abraon, suma ki ka teneba utru algin mas garandi pa jurmenta nel, i jura pa si kabesa,

Ebreus 6:16

Si un algin jurmenta, i ta jurmenta na nomi di utru ku sedu mas garandi di ki el. Juramentu i un kusa sertu ku ta kaba ku tudu palabra.

Ebreus 9:17

pabia un testamentu ten forsa son dipus di un mortu; i ka ten nin un balur ora ku si dunu bibu inda.