Gálatas 2:5 - BIBLIA - traduson antigu in Krioulo

⁵ ma no ka seta se ordi nin pa un ora, pa bardadi di Bon Noba pudi fika firmi na bo metadi.

Gálatas 2:5 ပူးပေါင်းရင်းမြစ်များ

Neemias 6:4

E mandan mesmu rekadu kuatru bias; kada bias N ta ruspundi elis na mesmu manera.

Atus 15:2

Paulu ku Barnabé bin ten garandi diskutison ku jus ku elis. Jinti di igreẑa rezolvi kuma Paulu ku Barnabé ku utrus di Antiokia ta bai pa Jerusalen pa bai ruma e kombersa ku apostolus ku garandis.

Gálatas 1:6

N fika dimiradu suma ku bo lestu di da kosta pa kil ku coma bos na fabur di Kristu, pa bo bai pa utru bon noba.

Gálatas 2:14

Oca ku N oja kuma e ka na yanda diritu suma bardadi di Bon Noba, N fala Pedru dianti delis tudu: “Si abo ku sedu judeu bu ka na yanda suma judeu, ma bu na yanda suma jintiu, kuma ku bu pudi obriga jintius pa e vivi suma judeus?”

Gálatas 4:16

Nta gosi N sedu bo inimigu suma ku N konta bos bardadi?

Efésius 1:13

Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka bos ku Spiritu Santu ki falaba i na da.

Kolosensis 1:5

E fe ku amor e bin di speransa ku sta guardadu pa bos na seu. Bo obi de speransa oca ku palabra di bardadi di Bon Noba ciga pa bos,

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.