Gálatas 2:4 - BIBLIA - traduson antigu in Krioulo

⁴ kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Gálatas 2:4 ပူးပေါင်းရင်းမြစ်များ

Salmus 119:45

N na yanda na liberdadi, pabia N pui sintidu na bu ordis.

Salmus 51:12

Tornan alegria di bu salbason; Dan un spiritu pruntu ku na nguentan.

Isaias 51:23

Ma N na pul na mon di kilis ku maltratau, ku falau: ‘Dita na con pa no yanda riba di bo,’ tok bu pui bu kosta suma con, suma kamiñu pa kilis ku na pasa.”

Lukas 5:38

Biñu nobu dibi di pudu na saku di kuru nobu.

Atus 15:1

Utru jinti ku bin di Judeia e kumsa nsina ermons kuma, si e ka sirkunsidadu suma kustumu di Moisés, e ka na pudi salba.

Atus 15:24

Suma ku no obi kuma, utru jinti ku sai na no metadi (kontudu no ka manda elis) e kansa bos ku se palabra, e tarpaja bo pensamentu,

Atus 20:30

Na bo metadi propi utru omis na lanta, e na tursi bardadi pa pui utru krentis bai se tras.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

2 Koríntius 11:13

Ki koldadi jinti i apostolus finjidu, ku ta tarbaja ku nganu; e na finji kuma e sedu apostolus di Kristu.

2 Koríntius 11:17

Ne kusa di ngaba ña kabesa, N ka na papia suma ku Siñor misti, ma suma tulu.

2 Koríntius 11:20

Kualker algin ku na forsija bos, ku na kume bos, ku na paña bos, ku ta yalsa ombra riba di bos, ku na bofotia bos, bo ta nguental.

2 Koríntius 11:26

Na manga di bias ku N fasi, N staba na pirigu di riu, pirigu di bandidus, pirigu di kilis di ña rasa ku di utru rasa, pirigu na prasa, pirigu na matu, pirigu na mar, pirigu na metadi di ermons finjidu.

2 Koríntius 3:17

Agora, Siñor ku e palabra fala del, i Spiritu. Nunde ku Spiritu di Siñor sta, liberdadi sta la.

Gálatas 1:7

Na bardadi i ka ten utru bon noba, ma i ten jinti ku na kunfundi bos; e misti tursi Bon Noba di Kristu,

Gálatas 4:25

Sinai i un monti na Arabia ku parsintidu ku Jerusalen di gosi, pabia el ku si jinti e sta na katiberasku,

Gálatas 4:3

Asin tambi anos, antis di no maduru, no seduba katibu di manga di lei di mundu.

Gálatas 5:1

Kristu libertanu pa no sedu libri. Bo fika firmi. Ka bo seta torna maradu mas na korenti di katiberasku.

Gálatas 5:10

No unidadi na Siñor i dan fiansa kuma bo ka na kuda di utru manera, ma ki algin ku na disinketa bos, kualker algin ki sedu, Deus na kastigal.

2 Timótiu 3:6

Na se metadi i ten kilis ku ta ranja manera di kibi na kasas di jinti, pa ngaña minjeris di kabesa lebi ku ta sinti pesu di se pekadu, e ta lebadu pa tudu koldadi diseẑu;

Tiagu 1:25

ma kil ku jubi diritu pa lei pirfitu ku ta liberta, i pega nel, i ka sedu son obidur ku ta diskisi, ma fasidur di kil ku palabra fala, si dunu ta sedu sortiadu na kil ki ta fasi.

1 Pedru 2:16

Bo yanda na liberdadi, ma ka bo usa liberdadi pa kubri mal ku el. Bo yanda suma katibus di Deus.

2 Pedru 2:19

E fala e na da elis liberdadi, ma elis propi e sedu katibu di visius ku na dana elis, pabia un algin i katibu di kil ku na manda nel.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.