Gálatas 2:21 - BIBLIA - traduson antigu in Krioulo

²¹ N ka na nega fabur di Deus. Si algin ta fasidu justu pabia di sigi lei, nta mortu di Kristu ka sedu nada.

Gálatas 2:21 ပူးပေါင်းရင်းမြစ်များ

Salmus 33:10

SIÑOR ta dana planus di nasons, i ta maina kusas ku jinti pensa fasi.

Isaias 49:4

Ma N fala: “N tarbaja amonton; N gasta ña forsa na nada, sin purbitu. Ma ki pagamentu ku N ten diritu di risibi i sta nunde SIÑOR ña Deus.”

Jeremias 8:8

“‘Kuma ku bo pudi fala: “Anos i jiru; lei di SIÑOR i sta ku nos,” kontra pursoris di lei e tratal ku kanetas di nganu?

Markus 7:9

I fala elis mas: “Bo ten manera jiru di nega mandamentu di Deus pa bo guarda kustumus di bo garandis di antigu.

Romanus 10:3

E ka kunsi manera ku Deus ta fasi jinti justu. E buska sedu justu na se propi manera; e ka seta manera ku Deus ranja pa elis.

Romanus 11:6

Si i pa fabur, i ka pabia di kusas ke fasi. Si i ka asin, fabur ka ta sedu fabur.

Romanus 4:25

I ntregadu pa i pudi muri pabia di no pekadu; i lantandadu pa no pudi sedu justu.

Romanus 8:31

Dianti de kusas, ke ku no na fala gora? Si Deus i pa nos, kin ku na sta kontra nos?

1 Koríntius 15:14

Si Kristu ka lantandadu, no ka tene nada di konta; abos tambi bo ka tene nada di fia nel.

1 Koríntius 15:17

Si Kristu ka lantandadu, bo fe ka bali nada; bo sta inda na bo pekadu;

1 Koríntius 15:2

kil tambi ku tisi bos salbason, si bo rakadal suma ku N konta bos el. Si i ka asin, bo konverti pa nada.

Gálatas 2:16

ma suma no sibi kuma omi i ka fasidu justu pabia i fasi kil ku lei fala, ma pa fe na Jesus Kristu, anos tambi no seta Jesus Kristu pa no pudi fasidu justu pa fe nel; i ka pabia no fasi kil ku lei fala. Ningin ka pudi fasidu justu pabia i fasi kil ku lei fala.

Gálatas 2:18

Si N torna kumpu kualker kusa di lei ku N danaba ja, N ta ojadu, ami propi, suma kil ku ta kebra lei.

Gálatas 3:21

Nta lei na fala kontra purmesas di Deus? Nau. Si i daduba un lei ku pudiba da vida, nta algin pudi ojaduba justu pabia di ki lei,

Ebreus 7:11

Fundamentu di lei ku Deus da pobu i pa forma saserdotis na jorson di Levi. Si tarbaju di saserdotis di jorson di Levi staba kompletu, i ka pirsis ba torna lantanda utru saserdoti di yardansa di Melkisedek, ku ka sedu di yardansa di Aron.