Gálatas 2:19 - BIBLIA - traduson antigu in Krioulo

¹⁹ Na ladu di lei N sta mortu; i lei propi ku matan, pa N pudi vivi pa Deus.

Gálatas 2:19 ပူးပေါင်းရင်းမြစ်များ

Romanus 4:15

Lei ta tisi raiba, ma nunde ku lei ka ten, kebra lei ka ten tambi.

Romanus 5:20

Lei bin pa pudi buri pekadu, ma nunde ku pekadu ciu, fabur di Deus i mas ciu,

Romanus 6:11

Asin tambi abos, bo fasi di konta kuma bo sta mortu pa pekadu, ma bo sta bibu pa Deus, juntu ku Kristu Jesus.

Romanus 6:14

Pekadu ka na ten forsa riba di bos, suma bo ka sta bas di lei, ma bo sta bas di fabur di Deus.

Romanus 6:2

Nunka! Anos ku muri ja pa pekadu, kuma ku no na kontinua nel?

Romanus 7:14

No sibi kuma lei i spiritual, ma ami i karnal, bindidu suma katibu pa pekadu.

Romanus 7:4

Asin tambi, ña ermons, bo sta mortu pa lei, manera ku bo sedu kurpu di Kristu, pa bo pudi sedu di utru, ku sedu kil ku lantandadu na metadi di mortus, pa no pudi da frutu pa Deus.

Romanus 8:2

pabia puder di Spiritu ku ta tisi vida juntu ku Kristu Jesus libran di puder di pekadu ku di mortu.

1 Koríntius 10:31

Mbon, nin si bo na kume, o bo na bibi, o bo na fasi kualker utru kusa, bo fasi tudu pa gloria di Deus.

1 Koríntius 9:20

Oca ku N na tarbaja ku judeus, N yanda suma elis pa N pudi ngaña elis. Pa kilis ku sta bas di lei di Moisés, N bida suma ami tambi N sta bas del, pa N pudi ngaña elis, kontudu ami N ka sta bas del.

2 Koríntius 5:15

I muri pa tudu, pa tudu kilis ku na vivi, pa e ka vivi mas pa se kabesa, ma pa kil ku muri pa elis, i torna vivi.

Gálatas 2:20

N sta ja krusifikadu ku Kristu. N na vivi; i ka ami ku na vivi, ma Kristu na vivi na mi. Vida ku gosi N na vivi na kurpu, N na vivil na fe ku N ten na Fiju di Deus, kil ku aman, i ntrega si vida pa mi.

Gálatas 3:10

Kilis ku pui se fiansa na obdisi lei e sta bas di maldison, pabia Skritura fala kuma: “Tudu kil ku ka ta kontinua fasi tudu kusa ku sta skritu na libru di lei i maldisuadu.”

Gálatas 3:24

Asin lei seduba mestre ku ten konta di nos tok Kristu bin, pa dipus ki bin, Deus pudi ojanu justu pabia di fe nel.

Gálatas 6:14

Pa Deus lunjusin di njata na utru kusa ku ka sedu krus di no Siñor Jesus Kristu, kil ku, pabia del, mundu sta krusifikadu pa mi, ami pa mundu.

Kolosensis 2:20

Si bo muri ja ku Kristu, bo sta libri di nsinamentu di mundu, ke ku manda bo na yanda inda suma bo sta na mundu? Ke ku manda bo na obdisi ordi di kilis ku na fala bos:

Kolosensis 3:3

pabia bo muri; bo vida sta sukundidu ku Kristu na Deus.

1 Tesalonisensis 5:10

ku muri pa nos pa, si i ojanu bibu o mortu ora ki bin, no pudi vivi juntu ku el.

Titu 2:14

El i da si vida pa libertanu di tudu maldadi, pa fasinu un pobu puru ku pertensil, ku ten vontadi pa fasi bon tarbaju.

Ebreus 9:14

ku fadi gora puder di sangi di Kristu pa limpa no konsiensia di kustumus ku ta tisi mortu, pa no sirbi Deus bibu! Ku ajuda di Spiritu ku ta bibu pa sempri, Kristu da si vida pa Deus, suma sakrifisiu ku ka tene manca.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 4:6

E ku manda Bon Noba kontadu pa mortus, pa e pudi julgadu na kurpu suma tudu jinti, ma na spiritu e pudi bibu suma ku Deus bibu.