Gálatas 2:16 - BIBLIA - traduson antigu in Krioulo

¹⁶ ma suma no sibi kuma omi i ka fasidu justu pabia i fasi kil ku lei fala, ma pa fe na Jesus Kristu, anos tambi no seta Jesus Kristu pa no pudi fasidu justu pa fe nel; i ka pabia no fasi kil ku lei fala. Ningin ka pudi fasidu justu pabia i fasi kil ku lei fala.

Gálatas 2:16 ပူးပေါင်းရင်းမြစ်များ

Jo 25:4

Kuma ku omi pudi sedu justu dianti di Deus? Kil ku padidu na minjer, kuma ki pudi sedu puru?

Jo 9:29

Suma N ojadu kulpadu, kuma ku N na luta amonton?

Salmus 143:2

Ka bu leba bu servu pa julgamentu, pabia na bu uju i ka ten kin ki justu na metadi di bibus.

Bon Noba di Jesus Kristu ku Jon 20:31

ma e kusas sta skritu pa bo fia kuma Jesus i Mesias, Fiju di Deus, pa ora ku bo fia nel, bo ta tene vida na si nomi.

Atus 4:12

I ka ten nin utru algin ku pudi salba, pabia ne mundu li, Deus ka da jinti nin utru nomi ku pudi salbanu.”

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

Romanus 3:30

suma Deus i un son, ku ta fasi judeu justu pabia di fe; i ta fasi tambi jintiu ku ten fe nel justu.

Romanus 4:2

Si Abraon ojadu justu pabia di kusas ki fasi, i pudi ngaba si kabesa, ma i ka pudi ngaba si kabesa dianti di Deus.

Romanus 4:24

ma tambi pa nos ku na ojadu justu, anos ku fia na Deus ku lantanda Jesus no Siñor di mortu.

Romanus 8:3

Deus fasi kil ku lei ka pudiba fasi, di manera ku no naturesa fraksi lei: i manda si Fiju ku kurpu suma no kurpu di pekadu, pa i sedu sakrifisiu pa pekadu, tambi pa i kondena pekadu na no naturesa,

Romanus 9:30

Ke ku no na fala gora? No na fala kuma jintius ku ka na buskaba sedu justu, e bin ojadu justu pabia di se fe,

1 Koríntius 6:11

Utrus na bo metadi seduba asin, ma bo labadu, bo santifikadu, bo ojadu justu na nomi di Siñor Jesus Kristu, pa Spiritu di no Deus.

Gálatas 4:5

pa i pudi liberta kilis ku staba bas di lei, pa no pudi bin sedu fijus di Deus.

Gálatas 5:4

Abos tambi ku na sigi lei pa pudi ojadu justu, bo ligason ku Kristu sta kortadu; bo kai di fabur di Deus.

Filipensis 3:9

pa N pudi ojadu unidu ku el. Gosi N ka na oja kuma ami N justu pabia di kumpri lei, ma N justu pabia di fe na Kristu. Deus fasin justu pabia di ña fe.

1 Pedru 1:2

Deus pui sintidu na bos desdi antigamenti, i kuji bos, i fasi bos si pobu pa meiu di si Spiritu, pa bo pudi obdisi, pa sangi di Jesus Kristu pudi limpa bos. N misti pa Deus buri riba di bos manga di fabur ku pas.

1 Pedru 2:24

El propi i leba no pekadu na si kurpu na krus, pa no pudi sta suma mortu na ladu di pekadu, no yanda diritu suma ku Deus misti. Bo kuradu pabia di si molostus.

1 Pedru 3:18

Kristu tambi i muri un bias son pa pekadu; el ku sedu justu muri pa kilis ku ka sedu justu, pa lebanu pa Deus. El i matadu na kurpu, i dadu vida na spiritu.

2 Pedru 1:1

Ami Simon Pedru, servu ku apostolu di Jesus Kristu, N na skirbi pa kilis ku yangasa fe di garandi balur suma di nos, pabia di bondadi di no Deus i Salbadur, Jesus Kristu.

1 Jon 1:7

Si no na yanda na lus, suma ku el i sta na lus, no ta liga ku ŋutru; sangi di Jesus, si Fiju, i ta limpanu di tudu pekadu.

Apokalipsi 7:14

N ruspundil: “Siñor, abo ku sibi.” I falan: “Esis i kilis ku bin di ki garandi pirsigison. E laba se ropa, e bidantal branku na sangi di Karnel.

Apokalipsi 7:9

Dipus de kusas N jubi, N oja un garandi multidon di jinti ku ningin ka pudi konta, di tudu nason, tudu rasa, tudu pobu ku tudu lingua, ku staba sikidu dianti di tronu na pursensa di Karnel. E bisti ropa kumpridu branku, e pega ramu di palmera na mon.