Gálatas 2:14 - BIBLIA - traduson antigu in Krioulo

¹⁴ Oca ku N oja kuma e ka na yanda diritu suma bardadi di Bon Noba, N fala Pedru dianti delis tudu: “Si abo ku sedu judeu bu ka na yanda suma judeu, ma bu na yanda suma jintiu, kuma ku bu pudi obriga jintius pa e vivi suma judeus?”

Gálatas 2:14 ပူးပေါင်းရင်းမြစ်များ

Salmus 141:5

Si algin justu sutan, i ta sedu bondadi; si i raprindin, i ta sedu suma azeiti riba di ña kabesa ku N ka na nega. N na kontinua ora kontra maldadis di jinti mau.

Salmus 15:2

I kil ku ta yanda sin kulpa, i ta fasi kusas ki justu, i ta papia bardadi di si korson;

Salmus 58:1

Abos juisis, N na punta bos: Bo ta papia bardadi na justisa? Bo ta julga tudu jinti ku retidon?

Salmus 84:11

SIÑOR Deus i sol, i tajadera; SIÑOR ta da fabur ku gloria. I ka ta nega da kualker kusa bon pa kilis ku ta yanda na retidon.

Ditus 10:9

Kil ku yanda na bardadi i ta sta suguru, ma kil ku yanda na kamiñu tortu i na pañadu.

Ditus 2:7

El i ta guarda jiresa di bardadi pa kilis ku sedu justu; i sedu tajadera pa kilis ku ta yanda ku korson di bardadi.

Sirmonias 19:17

“Ka bu guarda rankor pa bu ermon na bu korson. Raprindi bu kumpañer klaru, pa bu ka ten parti na si pekadu.

Atus 10:28

i fala elis: “Abos bo sibi diritu kuma i kontra lei di un judeu pa i visita stranjerus o junta ku elis, ma Deus mostran kuma N ka dibi di fala kuma un algin i ka puru o i ka bali.

Atus 15:1

Utru jinti ku bin di Judeia e kumsa nsina ermons kuma, si e ka sirkunsidadu suma kustumu di Moisés, e ka na pudi salba.

Atus 15:24

Suma ku no obi kuma, utru jinti ku sai na no metadi (kontudu no ka manda elis) e kansa bos ku se palabra, e tarpaja bo pensamentu,

Atus 15:5

Utru krentis di grupu di fariseus lanta, e fala kuma i pirsis pa e sirkunsidadu, tambi pa e mandadu obdisi lei di Moisés.

Romanus 14:14

Ami N sibi ku tudu sertesa, na ña union ku Siñor Jesus, kuma i ka ten kumida ku Deus misti pa ka no kume, ma, si un algin kuda kuma un kusa ka dibi di kumedu, nta pa ki algin i ka puru.

Gálatas 1:18

Tris anu pasa; N bin bai pa Jerusalen pa bai visita Pedru, N tarda la kinzi dia ku el,

Gálatas 1:6

N fika dimiradu suma ku bo lestu di da kosta pa kil ku coma bos na fabur di Kristu, pa bo bai pa utru bon noba.

Gálatas 2:3

Nin Titu, ña kumpañer, ku sedu gregu, i ka obrigadu pa i sirkunsidadu,

Gálatas 2:5

ma no ka seta se ordi nin pa un ora, pa bardadi di Bon Noba pudi fika firmi na bo metadi.

Gálatas 2:7

ma e oja kuma Deus dan tarbaju di konta Bon Noba pa kilis ku ka sedu judeus, suma ki da Pedru pa judeus.

Gálatas 2:9

Oca ku Pedru, Tiagu ku Jon, ku parsiba sedu firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

Gálatas 6:12

Jinti ku misti forsija bos pa bo sirkunsidadu, elis ku misti ronka pa njata ku kusas di fora. E ta fasil son pa e pudi kapli pirsigison pabia di krus di Kristu.

Kolosensis 1:5

E fe ku amor e bin di speransa ku sta guardadu pa bos na seu. Bo obi de speransa oca ku palabra di bardadi di Bon Noba ciga pa bos,

1 Timótiu 5:20

Kilis ku na fasi mal, raprindi elis dianti di tudu, pa ki utrus pudi medi.

Ebreus 12:13

Bo kumpu kamiñu diritu pa bo yanda nel, pa pe manku ka kabanta mankusi, ma pa i kuradu.

Ebreus 9:10

pabia i un kusa ku na fasidu son ku kumida, ku bibida, ku manga di sirmonia pa limpesa. E kusas tudu di fora, e pudu son te na tempu ku Deus na pui nobu ordi.