Gálatas 2:13 - BIBLIA - traduson antigu in Krioulo

¹³ Ki utru krentis judeu tambi finji suma Pedru, na manera ku te Barnabé lebadu na ki finjimentu.

Gálatas 2:13 ပူးပေါင်းရင်းမြစ်များ

Kumsada 27:24

ma i puntal: “Na bardadi, abo i ña fiju Esaú?” Jakó falal: “Ami i el.”

2 Samuel 16:19

Fora di kila, kin ku N dibi di sirbi? Nta N ka dibi di sirbi si fiju? Suma ku N sirbi bu pape, asin ku N na sirbiu.”

Jo 15:12

Ke ku manda bu korson rabatau tok fugu di raiba sta na bu uju?

Eklesiastis 10:1

Suma ku moska ku muri ta fasi purfumu pa i cera mal, asin ku un bokadiñu di tulesa ta dana jiresa ku rispitu.

Eklesiastis 7:20

Na bardadi i ka ten omi justu na mundu ku ta fasi kil ki sertu, ku nunka ka ta peka.

Mateus 23:28

Asin tambi abos, pa fora i ta parsi na uju di jinti kuma bo na yanda diritu, ma dentru bo inci finjimentu ku maldadi.

Atus 4:36

I tenba un omi di jorson di Levi comadu José, ku apostolus da nomi di Barnabé, ku signifika kil ku ta da animu; el i padidu na Ŝipri.

1 Koríntius 12:2

Bo sibi kuma, oca bo ka kunsiba inda Deus, bo ta rolantadu di manga di manera pa irans ku ka pudi fala nada.

1 Koríntius 15:33

Ka bo ngana bo kabesa. Mau kumpañerasku ta dana bon manera di yanda di algin.

1 Koríntius 5:6

Bo njatamentu i ka bon. O bo ka sibi kuma un bokadu di fermentu ta orfa masa tudu?

1 Koríntius 8:9

Bo jubi pa bo liberdadi ka bin sedu motivu pa frakus mbaransa.

Gálatas 2:1

Oca ki pasa katorzi anu, N bai utru bias pa Jerusalen, ku Barnabé. N leba tambi Titu ku mi.

Gálatas 2:9

Oca ku Pedru, Tiagu ku Jon, ku parsiba sedu firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.