Gálatas 2:12 - BIBLIA - traduson antigu in Krioulo

¹² Antis di ciga kilis ku Tiagu manda, i ta kumeba ku kilis ki ka judeus, ma oca ke ciga, i fika i na kuri, i ka kume mas ku elis, pabia i medi kilis ku na nsina kuma tudu krenti dibi di sirkunsidadu.

Gálatas 2:12 ပူးပေါင်းရင်းမြစ်များ

Ditus 29:25

Medu ku algin ten pa omi i na sedu si armadilia, ma kin ku fiansa na SIÑOR i sta suguru.

Isaias 57:11

SIÑOR punta: “Kin ku bu panta del, o bu medi, tok bu sedu falsu pa mi, bu ka lembra di mi, nin bu ka pun na bu korson? Nta i ka pabia N kala disna di manga di tempu ku manda bu ka rispitan?

Isaias 65:5

E ta fala: ‘Fika la; ka bu ciga nunde mi, pabia N sedu mas sagradu di ki bo!’ Jinti suma es e sedu na ña naris suma fumu di fugu ku ta yardi tudu dia.

Lukas 15:2

Fariseus ku pursoris di lei e kumsa na papia entri elis, e na fala: “E omi ta risibi jinti di mau nomi, i ta kume ku elis.”

Lukas 5:38

Biñu nobu dibi di pudu na saku di kuru nobu.

Atus 10:28

i fala elis: “Abos bo sibi diritu kuma i kontra lei di un judeu pa i visita stranjerus o junta ku elis, ma Deus mostran kuma N ka dibi di fala kuma un algin i ka puru o i ka bali.

Atus 12:17

I sana elis mon pa e kala, i konta elis kuma ku Siñor tiral na kalabus; i fala: “Bo fika bo konta Tiagu ku utru ermons.” I sai ki ora, i bai pa utru lugar.

Gálatas 2:14

Oca ku N oja kuma e ka na yanda diritu suma bardadi di Bon Noba, N fala Pedru dianti delis tudu: “Si abo ku sedu judeu bu ka na yanda suma judeu, ma bu na yanda suma jintiu, kuma ku bu pudi obriga jintius pa e vivi suma judeus?”

Gálatas 2:9

Oca ku Pedru, Tiagu ku Jon, ku parsiba sedu firkijas, e rapara kuma i Deus ku danba e tarbaju, e danu mon, ami ku Barnabé, suma se kumpañeris di tarbaju. No konkorda kuma anos no ta bai pa kilis ki ka judeus; elis e ta bai pa judeus.

Efésius 3:6

Ki sigridu i kuma, pabia di Bon Noba, jintius ten parti juntu ku judeus na bon kusas ku Deus ta da. E juntadu na mesmu kurpu; e na ten parti na purmesa ku Deus fasi na Kristu Jesus.

1 Tesalonisensis 5:22

Bo libra di tudu koldadi mal.