Gálatas 1:7 - BIBLIA - traduson antigu in Krioulo

⁷ Na bardadi i ka ten utru bon noba, ma i ten jinti ku na kunfundi bos; e misti tursi Bon Noba di Kristu,

Gálatas 1:7 ပူးပေါင်းရင်းမြစ်များ

Jeremias 23:26

Te kal tempu ku e kusa na sedu na korson di anunsiaduris ku na anunsia mintidas? E ta anunsia son nganu di se propi pensamentus.

Jeremias 23:36

Ma nunka mas ka bo fala ‘rekadu di SIÑOR’, pabia palabra di kada algin i ta torna suma ‘rekadu’. Asin bo ta tursi palabras di Deus bibu, SIÑOR ku ten tudu puder, bo Deus.

Mateus 24:24

pabia i na lanta finjiduris ku na fala kuma elis i Kristu o elis i anunsiaduris. E na fasi manga di sinal ku milagri, pa ngana, si e pudi, te mesmu kilis ku Deus kujiba ja.

Atus 13:10

“Abo, fiju di diabu, incidu di tudu nganu ku tudu maldadi, inimigu di tudu ki bon, kal tempu ku bu na para dana kamiñu retu di Siñor?

Atus 15:24

Suma ku no obi kuma, utru jinti ku sai na no metadi (kontudu no ka manda elis) e kansa bos ku se palabra, e tarpaja bo pensamentu,

Atus 20:30

Na bo metadi propi utru omis na lanta, e na tursi bardadi pa pui utru krentis bai se tras.

2 Koríntius 11:13

Ki koldadi jinti i apostolus finjidu, ku ta tarbaja ku nganu; e na finji kuma e sedu apostolus di Kristu.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 4:2

No nega tudu kusa di borgoña ku jinti ta fasi sukundidu. No ka ta yanda na nganu, nin no ka ta tursi palabra di Deus. No misti pa tudu jinti ku bon konsiensia pa e rapara kuma no na yanda na lus klaru di bardadi dianti di Deus.

Gálatas 1:6

N fika dimiradu suma ku bo lestu di da kosta pa kil ku coma bos na fabur di Kristu, pa bo bai pa utru bon noba.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Gálatas 4:17

Ki utru jinti e ten garandi interes na bos, ma se sintidu i ka bon. E misti separa bos di utru jinti, pa bo pudi ten interes nelis.

Gálatas 5:10

No unidadi na Siñor i dan fiansa kuma bo ka na kuda di utru manera, ma ki algin ku na disinketa bos, kualker algin ki sedu, Deus na kastigal.

Gálatas 5:12

Ma ki disinketaduris, i mas minjor e bai kabanta kapa se kurpu!

Gálatas 6:17

Gosi pa dianti ka ningin dan mas kansera, pabia marka ku N tene na ña kurpu mostra kuma ami i katibu di Jesus.

2 Timótiu 2:18

e disvia di bardadi, e fala kuma resureison pasa ja. Asin e dana fe di utru krentis.

1 Jon 2:26

N skirbi bos e kusa aserka di kilis ku misti ngana bos.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

2 Jon 1:10

Si algin bin nunde bos, i ka tisi e nsinamentu, ka bo risibil na kasa, nin ka bo falal manteña di ermondadi,

2 Jon 1:7

Manga di nganadur spaja na mundu ku ka seta kuma Jesus Kristu bin suma omi. Ki koldadi jinti, el ki anti-kristu nganadur.

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 12:9

Ki garandi dragon fercadu, ku sedu antigu serpenti ku comadu diabu ku Satanas, ku ta ngana tudu mundu. I fercadu na tera, tudu ku si anjus.

Apokalipsi 13:14

Pabia di milagris ki disadu fasi dianti di besta, i ta ngana jinti ku sta na tera. I fala elis pa e fasi un imaẑen di besta ku molostadu ku spada, ma i bibu.

Apokalipsi 19:20

Besta prindidu, ku ki falsu anunsiadur ku na fasiba milagri si dianti, ku ta nganaba kilis ku risibi sinal di besta, kilis ku adoraba si imaẑen. Elis dus e botadu bibu na lagua di fugu ku na yardi ku nŝofri.

Apokalipsi 2:2

N sibi ke ku bu fasi, bu tarbaju ku bu pasensa. N sibi kuma bu ka pudi nguenta jinti mau; bu proba kilis ku fala kuma elis i apostolus, ma e ka sedu; bu oja kuma ke munturus.

Apokalipsi 2:20

Ma kusa ku N tene kontra bo, suma ku bu disa ki minjer Jezabel ku fala kuma i anunsiadur. I na nsina, i na ngana ña servus pa e fasi pekadu seksual, tambi pa e kume karni ku matadu pa idulus.

Apokalipsi 2:6

Ma i ten inda un kusa bon na bo: bu nuju kusa ku nikolaitas ta fasi, suma ku ami tambi N nuju el.

Apokalipsi 20:3

I botal na abismu nunde ki fical, i pui selu, pa ka i ngana nasons mas tok i kompleta ki mil anu. Dipus di kila, i ten ku largadu un bokadu di tempu.