Gálatas 1:12 - BIBLIA - traduson antigu in Krioulo

¹² pabia N ka risibil di nin un omi, nin i ka omi ku nsinan el. I Jesus Kristu propi ku mostran el.

Gálatas 1:12 ပူးပေါင်းရင်းမြစ်များ

1 Koríntius 11:23

N risibi di Siñor ki nsinamentu ku N pasanta pa bos, kuma Siñor Jesus, na noti ku Judas falsial, i toma pon,

1 Koríntius 2:10

Deus pui si Spiritu pa mostranu ki kusas, pabia Spiritu ta garbata tudu kusas, te na fundura di Deus.

2 Koríntius 10:7

Bo na jubi pa kusas suma ki ta parsi. Si i ten algin la ku fiansa kuma el i di Kristu, pa i pensa utru bias na si kabesa. Suma ki sedu di Kristu, asin tambi ku no sedu.

2 Koríntius 12:1

I pirsis pa N njata, nin ki ka ten purbitu, ma N na pasa pa konta kusa ku Siñor mostran, i kontan.

Gálatas 1:1

E karta i di mi, Paulu, apostolu. I ka omi ku coman pa N sedu apostolu, nin e comada ka bin pabia di omi, ma i Jesus Kristu ku coman, ku Deus Pape ku lantandal di mortu.

Gálatas 1:16

Oca ku Deus mostran si Fiju, konformi si vontadi, pa N pudi konta aserka del na metadi di kilis ki ka judeus, N ka pidi konsiju na nin un algin,

Gálatas 2:2

N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbaju ku N fasi, ku N na fasiba inda, sedu na nada.

Efésius 3:3

Deus mostran si planu sukundidu pa N pudi kunsil. N skirbiba ja puku palabra aserka del.

1 Tesalonisensis 4:15

Es ku no na konta bos i palabra di Siñor. Ora ku Siñor na bin, anos ku sta inda bibu no ka na bai purmeru di ki kilis ku muri ja.