Filipensis 4:9 - BIBLIA - traduson antigu in Krioulo

⁹ Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

Filipensis 4:9 ပူးပေါင်းရင်းမြစ်များ

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 8:10

Bo pudi fasi bo planus, ma e na ntrumpidu; bo pudi papia ke ku bo pensa, ma i ka na fasidu, pabia Deus sta ku nos.

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Mateus 28:20

Bo nsina elis pa e obdisi tudu kusas ku N manda bos. Ami N na sta ku bos tudu dia te na kabantada di tempu.’

Mateus 7:21

“I ka tudu jinti ku ta falan: ‘Siñor, Siñor,’ ku na yentra na renu di seu, ma son kil ku ta fasi vontadi di ña Pape ku sta na seu.

Lukas 6:46

“Ke ku manda bo na coman ‘Siñor, Siñor,’ ma bo ka ta fasi kil ku N ta fala bos?

Lukas 8:21

I ruspundi i fala elis: “Ña mame ku ña ermons i kilis ku ta obi palabra di Deus, e obdisil.”

Bon Noba di Jesus Kristu ku Jon 13:17

Si bo sibi e kusas, bo ta sortiadu si bo fasil.

Bon Noba di Jesus Kristu ku Jon 15:14

Bo ta sedu ña amigus si bo fasi ke ku N manda bos.

Bon Noba di Jesus Kristu ku Jon 2:5

Mame di Jesus fala kriadus: “Bo fasi tudu kil ki fala bos.”

Atus 9:6

Lanta, bu yentra na prasa. La bu na kontadu ke ku bu dibi di fasi.”

Romanus 15:33

Deus, no fonti di pas, pa i sta ku bos tudu. Amen.

Romanus 16:20

Deus, no fonti di pas, i ka na tarda pa kebra Satanas bas di bo pe. Fabur di no Siñor Jesus ta sta ku bos.

1 Koríntius 10:31

Mbon, nin si bo na kume, o bo na bibi, o bo na fasi kualker utru kusa, bo fasi tudu pa gloria di Deus.

1 Koríntius 14:33

pabia Deus i ka Deus di kunfuson, ma i Deus ku ta da pas. Suma na tudu juntamentu di pobu di Deus,

1 Koríntius 4:16

E ku manda N na pidi bos pa bo remendan.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

Ripitison di Lei 5:1

Moisés coma tudu israelitas i fala elis: O pobu di Israel, bo sukuta leis ku regras ku N na konta bos aos. Bo pui sintidu pa sibi elis, bo obdisi elis.

Filipensis 3:17

Ermons, bo ba ta remendan. Bo jubi pa kilis ku na yanda na manera ku no mostra bos.

Filipensis 4:7

Asin, pas di Deus ku pasa tudu ntindimentu i ta guarda bo korson ku bo pensamentu na unidadi ku Kristu Jesus.

1 Tesalonisensis 1:6

Abos bo sigiba no isemplu, ku di Siñor. Kontudu bo sufri ciu, bo risibi palabra ku kontentamentu ku Spiritu Santu da bos.

1 Tesalonisensis 2:14

Ermons, un mesmu kusa ku kontisi ku bos i el ku kontisi ku igreẑas di Deus na Judeia, ku sedu di Kristu Jesus, pabia bo sufri mesmu pirsigison di bo pobu suma ku elis e sufri di judeus

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

2 Tesalonisensis 3:4

No ten fiansa na Siñor aserka di bos, kuma bo na fasi, bo na kontinua fasi, kil ku no manda bos.

2 Timótiu 4:22

Siñor ta sta ku bu spiritu. Fabur di Deus ta sta ku bos tudu.

Tiagu 1:22

Ka bo sedu son obiduris di palabra. Si i asin, bo na ngana bo kabesa. Bo sedu fasiduris di kil ku palabra fala.

2 Pedru 1:10

Asin ermons, bo fasi forsa kada bias mas pa proba kuma na bardadi bo comadu, bo kujidu. Si bo fasi asin, nunka mas bo ka na kai.

1 Jon 3:22

Kualker kusa ku no pidil, no na risibi, pabia no obdisi si mandamentus, no ta fasi kil ki misti.