Filipensis 4:7 - BIBLIA - traduson antigu in Krioulo

⁷ Asin, pas di Deus ku pasa tudu ntindimentu i ta guarda bo korson ku bo pensamentu na unidadi ku Kristu Jesus.

Filipensis 4:7 ပူးပေါင်းရင်းမြစ်များ

Neemias 8:10

Bo bai kume bon kumida, bo bibi kusa meladu; bo manda kiñon pa kilis ku ka purpara nada, pabia e dia i dia sagradu pa no SIÑOR. Ka bo fika tristi, pabia alegria di SIÑOR i bo forsa.”

Jo 22:21

“Jo, bai pa Deus, bu fasi pas ku el; asin kusas ta bai diritu ku bo.

Jo 34:29

Si i kala, kin ku na kondenal? Si i kubri rostu, kin ku na ojal? Ma el i ten puder riba di un nason, tambi riba di un omi son,

Salmus 29:11

SIÑOR na da forsa pa si pobu; i na bensua elis ku pas.

Salmus 85:8

N na sukuta ke ku SIÑOR Deus na fala; i na papia di pas pa si pobu, ku sedu si jinti sagradu, ma ka e riba mas pa tulesa de!

Ditus 2:11

Bon juisu ku jiresa na guardau,

Ditus 4:6

Ka bu bandona jiresa; i na guardau. Amal; i na guardau suguru.

Ditus 6:22

Ora ku bu na yanda, e na giau; ora ku bu na dita, e na guardau; ora ku bu korda, e na papia ku bo.

Isaias 26:12

SIÑOR, bu danu pas. Tudu ku no fasi, abo ku fasil pa nos.

Isaias 26:3

Kil ku pui sintidu firmi na bo, ku fiansa na bo, abo, SIÑOR, bu ta guardal ketu, ku susegu.

Isaias 45:7

N forma klaridadi ku sukuru; N ta pui pa kusa kuri diritu, o i kuri mal. Ami, SIÑOR, N ta fasi tudu e kusas.

Isaias 48:18

A, i pena! Si bu sukutaba ña mandamentus, bu pas na seduba suma korenti di yagu na riu; bu retidon i na sedu suma ondas di mar.

Isaias 48:22

SIÑOR fala: “Jinti ku ta fasi mal ka ten pas.”

Jeremias 32:16

Dipus ku N da ki dokumentus di kompra pa Baruk, fiju di Nerias, N papia ku SIÑOR, N fala:

Jeremias 33:6

“Ma N na tisi saudi ku kura pa e prasa; N na kura elis, N na da elis garandi pas ku suguransa.

Numerus 6:26

SIÑOR ta jubi sempri pa bo, i dau pas.” ’

Lukas 1:79

pa numia kilis ku sinta na sukuru, na sombra di mortu, pa gia no pe na kamiñu di pas.”

Lukas 2:14

“Gloria pa Deus na lugar mas altu na seu! Pas na tera pa jinti ki kontenti ku elis.”

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Bon Noba di Jesus Kristu ku Jon 16:33

N konta bos e kusas pa bo ten pas na mi. Na mundu bo na tene foronta, ma bo ten koraẑen; ami N ngaña mundu.”

Romanus 1:7

N skirbi pa bos tudu ku sta na Roma, ku Deus ama, i coma si pobu. N misti pa Deus no Pape, ku Siñor Jesus Kristu, da bos fabur ku pas.

Romanus 14:17

Renu di Deus i ka kumida, nin bibida, ma i pa tene vida justu ku pas ku alegria ku Spiritu Santu ta da.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 5:1

Manera ku no ojadu justu pa fe, no ten pas ku Deus pabia di no Siñor Jesus Kristu

Romanus 8:6

Si pensamentu bai pa kusas di naturesa, i ta tisi mortu, ma si i bai pa kusas di Spiritu, i ta tisi vida ku diskansu.

2 Koríntius 10:5

No ta pajiga pensamentu falsu, ku tudu njatamentu di orgulyu ku ta lanta kontra kuñisimentu di Deus. No ta obriga kada pensamentu pa i fika bas di Kristu.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Efésius 3:19

N misti pa bo kunsi si amor, kontudu i mas no ntindimentu, pa bo inci kun ku tudu ku Deus sedu.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Filipensis 1:2

N misti pa Deus no Pape ku Siñor Jesus Kristu da bos fabur ku pas.

Filipensis 4:19

Pabia di Kristu Jesus, ña Deus i ta da bos tudu ku bo pirsisa, konformi si rikesa gloriosu.

Filipensis 4:21

N na manda manteña pa tudu pobu di Deus ku sta ligadu ku Kristu Jesus. Ermons ku sta ku mi e manda bos manteña.

Filipensis 4:9

Tambi bo fasi kil ku N nsina bos, kil ku bo risibi, ku bo obi na ña boka, ku bo oja na mi. Deus ku ta da pas ta sta ku bos.

Kolosensis 3:15

Pas ku Kristu da, pa i manda na bo korson. I pa e pas ku Deus coma bos tudu juntu na un kurpu. N misti tambi pa bo korson inci gardisimentu.

2 Tesalonisensis 3:16

Siñor propi, ki fonti di pas, pa i da bos pas sempri na tudu tempu, na tudu manera. Siñor ta sta ku bos tudu.

Ebreus 13:20

N misti pa Deus ku ta da pas, ku lantanda di mortu no Siñor Jesus Kristu, garandi Pastor di karnel, pabia di sangi di kontratu ki fasi ntidu,

Judas 1:1

Ami Judas, servu di Jesus Kristu, ermon di Tiagu, N na skirbi pa kilis ku Deus coma, ku vivi na amor di Deus no Pape, ku Jesus Kristu ta guarda suguru.

Apokalipsi 1:4

Ami Jon N na skirbi pa seti igreẑa ku sta na pruvinsia di Asia. N misti pa Deus da bos fabur ku pas, Deus ku sedu, ku seduba, ku ten ku bin, ku ki seti spiritu ku sta dianti di si tronu,

Apokalipsi 2:17

“‘Kin ku tene oreja, pa i obi ke ku Spiritu na fala igreẑas. Kil ku vensi, N na dal utru maná sukundidu. N na dal tambi pedra branku ku skirbidu nobu nomi ku ningin ka kunsi, son kil ku risibil.’