Filipensis 4:5 - BIBLIA - traduson antigu in Krioulo

⁵ Bo mansesa pa i kunsidu pa tudu jinti. Siñor sta pertu.

Filipensis 4:5 ပူးပေါင်းရင်းမြစ်များ

Mateus 6:25

“E ku manda N fala bos: Ka bo fadiga ku kusa di bo vida, ku kil ku bo na kume o bibi, nin ku ropa ku bo na bisti. Nta vida ka bali mas di ki kumida? Kurpu ka bali mas di ki ropa?

Mateus 6:34

Ka bo fadiga ku dia di amaña, pabia dia di amaña i ta toma konta di si kabesa. Kada dia ta justa ku si propi mal.

Lukas 21:34

“Bo toma sintidu; ka bo diskuda son na wukesa, ku bibidera, ku kudadi de mundu, pa ka ki dia bin paña bos di repenti

1 Koríntius 16:22

Si algin ka ama Siñor, pa i sedu maldisuadu. Maranata! Siñor, bin!

1 Koríntius 6:7

Na bardadi, si bo tene palabra entri bos ku na ciga na justisa, i mostra kuma bo kai ja. Ke ku manda bo ka ta sufri si algin fasi bos mal o bo sufri furtu, te pa bo leba bo ermon dianti di justisa?

1 Koríntius 8:13

Asin, si i kumida ku na fasi ña ermon peka, nunka mas N ka na kume karni, pa ka N sedu kil ku na pui ña ermon pa i peka.

1 Koríntius 9:25

Tudu kil ku ta luta i ta pui disiplina forti na si kurpu pa i pudi ngaña premiu di koroa di floris ku ka ta tarda, ma anos no na luta pa kil ku ka ta dana nunka.

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Tesalonisensis 2:2

pa ka bo bulbuli dipresa na bo pensamentu, nin ka bo tarpaja ku kualker palabra di anunsiu, nin palabra di algin ku na konta Bon Noba, nin ku kualker karta ku parsi di nos, ku fala kuma dia di Siñor ciga ja.

Titu 3:2

pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Ebreus 10:25

Ka no disa kustumu di junta, suma utrus ta fasi, ma no anima ŋutru kada bias mas, suma ku no oja Dia ku Siñor na bin mas na pertu.

Ebreus 10:37

Skritura fala: “Mas un bokadu, kil ku na bin i na bin; i ka na tarda.

1 Pedru 4:7

Fin di tudu kusa sta ja pertu; asin bo ten ku sedu seriu, bo ba ta bisia na orason.

Apokalipsi 22:20

Kil ku da tustumuñu de kusas i fala: “Es i palabra sertu; N ka na tarda pa bin.” Amen. Siñor Jesus, bin!

Apokalipsi 22:7

Jesus fala: “Bo jubi, N ka na tarda pa bin. Sortiadu i kilis ku rakada palabra di anunsiu ku faladu ne libru.”