Filipensis 3:8 - BIBLIA - traduson antigu in Krioulo

⁸ I ka son es, ma N tene tudu utru kusas suma perda kompletu pa amor di kil ku ten muitu mas balur, ku sedu kuñisimentu di Kristu Jesus ña Siñor. Pabia del ku N bota tudu e kusa, N fasi di konta kuma i muntudu, pa N pudi ngaña Kristu,

Filipensis 3:8 ပူးပေါင်းရင်းမြစ်များ

1 Reis 14:10

Pabia di kila N na tisi mal riba di familia di Jeroboan. N na korta di si familia tudu omi ku mininu, katibu ku bandonadu. N na bota fora di Israel tudu jinti di jorson di Jeroboan, suma ku algin ta bota susidadi fora tok i kaba tudu.

2 Reis 9:37

Si kadaver na pajigadu la suma susidadi di limaria na con, di manera ku ningin ka na pudi fala kuma, es i Jezabel.’ ”

Jo 20:7

i na pirdi ntidu suma kusa ku bentu leba. Kilis ku kunsil e na punta: ‘Nunde el?’

Salmus 126:6

Kil ku cora pa bai ku bon simentera, sin duvida i na riba ku kontentamentu, i na tisi si maraduras.

Salmus 73:25

Nta kin ku N tene na seu ku ka sedu abo? Li na tera i ka ten algin ku N dija fora di bo.

Isaias 53:11

Dipus di sufrimentu ki pasa na si vida, i na oja lus, i na fika kontenti. Ña servu justu na justifika manga di jinti ku kunsil, pabia i na leba se pekadu riba del.

Malakias 2:3

“N na korta bo jorson, N na unta susidadi na bo rostu, ki susidadi di limarias di sakrifisiu di bo festival. Bo na tiradu juntu ku el.

Numerus 14:30

N yalsa mon pa jurmenta kuma N na pui bos pa bo mora na ki tera, ma bo ka na yentra la, si i ka Kaleb, fiju di Jefoné, ku Josué, fiju di Nun.

Lukas 1:43

Ami i kin, pa mame di ña Siñor bin visitan?

Lukas 11:20

Ma si i ku dedu di Deus ku N ta serka dimonius, bo pudi sibi sertu kuma renu di Deus ciga pa bos.

Bon Noba di Jesus Kristu ku Jon 14:20

Na ki dia bo na sibi kuma ami N sta na ña Pape, abos na mi, ami na bos.

Bon Noba di Jesus Kristu ku Jon 14:7

Si bo kunsinba, bo na kunsiba ña Pape; disna di gosi bo kunsil; bo ojal ja.”

Bon Noba di Jesus Kristu ku Jon 16:3

E na fasi bos e kusas pabia e ka kunsi ña Pape nin e ka kunsin.

Bon Noba di Jesus Kristu ku Jon 17:3

Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.

Bon Noba di Jesus Kristu ku Jon 17:8

pabia N da elis palabra ku bu dan; elis e risibil; e sibi diritu kuma N bin di bo, e fia kuma i abo ku mandan.

Bon Noba di Jesus Kristu ku Jon 20:13

E puntal: “Minjer, pabia di ke ku bu na cora?” I ruspundi elis: “Pabia e leba ña Siñor; N ka sibi nunde ke pul nel.”

Bon Noba di Jesus Kristu ku Jon 20:28

Tome ruspundil: “Ña Siñor! Ña Deus!”

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Romanus 8:18

Ami N ten sertesa kuma, sufrimentu de tempu, no ka pudi parsintil ku gloria ku na bin mostradu na nos.

Romanus 8:39

nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

1 Koríntius 2:2

pabia nada N ka buska sibi na bo metadi, son Jesus Kristu, ku si mortu na krus.

1 Koríntius 9:10

I ka fala tambi asin pabia di nos? Sertamenti i pa nos tambi ki sta skritu, pabia kil ku labra ku kil ku na masa, e dibi di tarbaja ku speransa di oja se parti di arus ke kebra.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 4:6

Deus, ku fala pa lus lampra na sukuru, i mesmu Deus ku fasi si lus lampra na no korson, pa tisinu kuñisimentu di gloria di Deus ku na lampra na rostu di Jesus Kristu.

Gálatas 1:16

Oca ku Deus mostran si Fiju, konformi si vontadi, pa N pudi konta aserka del na metadi di kilis ki ka judeus, N ka pidi konsiju na nin un algin,

Efésius 4:13

Asin no na bai tok no ciga na ki unidadi ku bin di no fe, ku no kuñisimentu di Fiju di Deus. No na bin sedu jinti maduru; no na kirsi tok no yangasa altura kompletu di Kristu,

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Filipensis 3:10

N misti son kunsi Kristu, ku puder di si resureison, pa N toma parti na si sufrimentu, pa N parsi ku el na si mortu,

Filipensis 3:12

N ka na fala kuma N yangasa ja, o N sedu ja pirfitu, ma N na fasi forsa pa N bai dianti, pa N pudi toma ki kusa ku Kristu Jesus toman pa el.

Filipensis 3:7

ma kil ku seduba ngañu pa mi, gosi N tenel suma perda pabia di Kristu.

2 Timótiu 4:6

Ami N sinti kuma ña ora di bai sta ja pertu. Ña vida na darmadu ja suma limaria di ronia.

Ebreus 3:14

Gosi no toma parti na Kristu, si no rakada no fiansa di kumsada firmi te na fin.

1 Pedru 2:7

E pedra i ten garandi balur pa bos ku fia, ma pa kilis ku ka fia: “Pedra ku pedrerus nega i bin sedu purmeru pedra di kantu.”

2 Pedru 1:2

N misti pa bo kunsi Deus mas diritu, ku Jesus no Siñor, pa i pudi buri bos fabur ku pas.

2 Pedru 1:3

Puder di Deus danu tudu ki pirsis pa no tene un vida ku Deus misti, suma ku no kunsi kil ku comanu pa si gloria ku garandesa.

2 Pedru 1:8

Si e kusas sta na bos kada bias mas ciu, e ka ta disa bos pa bo sedu amonton, sin da frutu na kuñisimentu di no Siñor Jesus Kristu.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

1 Jon 1:3

Kil ku no obi, ku no oja, el ku no na konta bos, pa bo pudi junta ku nos na no ligason ku no Pape, ku si Fiju Jesus Kristu.

1 Jon 2:19

E sai na no metadi, ma e ka pertensinu, pabia si elis e seduba di nos e ta fikaba ku nos. E sai pa i pudi mostradu klaru kuma elis i ka di nos.

1 Jon 5:20

No sibi kuma Fiju di Deus bin ja, i danu ntindimentu pa no kunsi Deus ki di bardadi. No sta na kil ki di bardadi, ku sedu si Fiju Jesus Kristu. Es i Deus di bardadi; i vida ku ka ta kaba.