Filipensis 3:3 - BIBLIA - traduson antigu in Krioulo

³ I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

Filipensis 3:3 ပူးပေါင်းရင်းမြစ်များ

Salmus 105:3

Bo njata na si nomi sagradu. Kilis ku na buska SIÑOR, pa e kontenti na se korson.

Isaias 45:25

Tudu jorson di Israel na ojadu justu, e na njata na SIÑOR.

Jeremias 4:4

Bo purifika bo vida pa SIÑOR, bo tira impuresa di bo korson, abos omis di Judá ku moraduris di Jerusalen, pa ka ña raiba bin rebenta suma fugu ku na yardi sin ningin ku na pagal, pabia di mal ku bo fasi.”

Jeremias 9:26

ku sedu Ejitu, Judá, Edon, fijus di Amon ku Moab, ku tudu kilis ku ta korta partis di se kabelu, ku ta mora na lala, pabia tudu e nasons, ku Israel tambi, e ka sirkunsidadu na bardadi, pabia e ka tira impuresa di korson.”

Malakias 1:11

Ña nomi na sedu garandi na metadi di nasons desdi saida di sol te na si kaida; na tudu lugar nsensu ku ofertas puru na pursentadu na ña nomi, pabia ami N na sedu garandi na metadi di nasons.” Asin ku SIÑOR ku ten tudu puder fala.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 15:17

Asin, juntu ku Jesus Kristu, N pudi sinti garandesa na ña tarbaju pa Deus.

Romanus 7:6

ma gosi no libradu di lei, pabia no muri pa kil ku peganuba, pa no pudi sirbi na nobu vida di Spiritu, te pa no sirbi lei ku sta skritu, suma ku no ta fasiba antigamenti.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

Romanus 8:39

nin altura, nin fundura, nin utru kriatura, ka na pudi rapatinu di amor di Deus ku sta na Kristu Jesus no Siñor.

Romanus 9:6

I ka suma palabra di Deus maina. I ka tudu kilis ki di sangi di Israel ku sedu israelita,

2 Koríntius 11:18

Suma ku manga di utru jinti na njata na se puder, ami tambi N ta njata.

Gálatas 5:25

Si i Spiritu ku danu vida, no disal tambi pa i gianu na no kamiñu.

Gálatas 6:16

Pa tudu kilis ku na yanda konformi e nsinamentu, pas ku miserikordia ta sta riba delis, tambi riba di tudu Israel di Deus.

Efésius 6:18

Bo pui bo sintidu na orason ku pididu; bo ora tudu tempu na puder di Spiritu. Pa mesmu fin bo bisia, bo ora sin para, bo pidi sempri pa tudu pobu di Deus.

Ripitison di Lei 10:16

Bo tira susidadi na bo korson; bo para fasi risu kabesa.

Ripitison di Lei 30:6

SIÑOR bu Deus na tira maldadi di bu korson, ku korson di bu fijus, pa bu pudi ama SIÑOR bu Deus di tudu bu korson ku bu alma, pa bu pudi tene vida.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Filipensis 3:12

N ka na fala kuma N yangasa ja, o N sedu ja pirfitu, ma N na fasi forsa pa N bai dianti, pa N pudi toma ki kusa ku Kristu Jesus toman pa el.

Filipensis 3:14

N na kuri diritu pa fin di kurida, pa N pudi ngaña premiu ku Deus coman pa el na seu, na Kristu Jesus.

Kolosensis 2:11

Na bo union ku Kristu bo sirkunsidadu; i ka ku mon di omi na kurpu, ma i sirkunsison di Kristu, pa liberta di naturesa di karni.

Judas 1:20

Ma abos, amadus, bo fortifika bo vida riba di bo fe ki puru dimas. Bo ba ta ora na Spiritu Santu.