Filipensis 3:2 - BIBLIA - traduson antigu in Krioulo

² Bo toma sintidu ku ki jinti ku ta fasi kusa mau, ki kacuris, ki omis ku ta kuda son na sirmonia di korta kurpu.

Filipensis 3:2 ပူးပေါင်းရင်းမြစ်များ

Salmus 119:115

Bo lunjusi di mi, abos ku ta fasi mal, pa N pudi obdisi mandamentus di ña Deus.

Salmus 22:16

Manga di omi mau junta, e rodian suma kacuris, e furan mon ku pe.

Salmus 22:20

Libran di spada; ña vida ku ten balur, salbal di forsa di ki kacuris.

Ditus 26:11

Tulu ku ta ripiti si tulesa i suma kacur ku ta riba pa si ramasadura.

Mateus 24:10

Na ki tempu manga di jinti na disvia, e na falsia ŋutru, e na nfastia ŋutru.

Mateus 7:15

“Bo toma sintidu ku anunsiaduris falsu ku bin nunde bos bistidu suma karnel, ma dentru e sedu lubus ku ta mata.

Mateus 7:6

“Ka bo da kusa sagradu pa kacur! Nin ka bo pui bo pérolas dianti di purkus. Talves e ta masal, e rabida e ataka bos.

Romanus 2:28

Judeu i ka son kilis ku parsil di fora, nin i ka kilis ku sirkunsidadu na kurpu,

2 Koríntius 11:13

Ki koldadi jinti i apostolus finjidu, ku ta tarbaja ku nganu; e na finji kuma e sedu apostolus di Kristu.

Gálatas 5:13

Abos, ermons, bo comadu pa liberdadi; ma ka bo usa liberdadi suma diskulpa pa disa vontadi di bo kurpu manda na bos, ma bo sirbi ŋutru ku amor.

Gálatas 5:15

Ma si bo na murdi, bo molosta ŋutru, bo toma sintidu pa ka bo kaba ku ŋutru.

Gálatas 5:6

Si no sta unidu ku Kristu Jesus, nin sirkunsison nin falta del ka ta fasi diferensa. Kusa mas importanti i fe ku ta tarbaja ku amor.

Filipensis 3:19

ku na fin e na pirdi, pabia se deus i se bariga; e ta njata ku kusa di borgoña; e ta kuda son na kusa de mundu.

Filipensis 3:3

I anos ku risibi sirkunsison di bardadi, pabia no ta adora Deus na Spiritu. No njatamentu i na Kristu Jesus; no ka fiansa na kusas di kurpu.

1 Timótiu 1:19

Guarda bu fe, ku bon konsiensia. Utru jinti nega sukuta ke ku se konsiensia na fala elis, e dana se fe.

Titu 1:16

E fala kuma e kunsi Deus, ma e ta negal ku kusas ke ta fasi. E sedu disobdienti, susu dianti di Deus; e ka dignu di fasi nin un bon tarbaju.

2 Pedru 2:22

Kil ku kontisi ku elis i ta mostra kuma ditu i bardadi ku fala: “Kacur ta riba pa si ramasadura;” kuma tambi: “Purku labadu i ta riba pa rola na lama.”

Judas 1:4

Utru jinti ku nega Deus e ranja-ranja manera di yentra, e tursi palabra ku konta aserka di fabur di no Deus, pa i sedu diskulpa di se mau vida; e nega Jesus Kristu, kil son ku ta manda, ku sedu no Siñor. Disna, Skritura jumna konta e kondenason ke sta nel.

Apokalipsi 2:9

N oja bu kansera ku bu koitadesa, ma bu riku. N obi palabra mau kontra bo di kilis ku fala kuma elis i judeus, ma e ka sedu gora; elis i di kasa di juntamentu di Satanas.

Apokalipsi 21:8

Ma pa kilis ku kobardu, ku kilis ki ka fiel, ku jinti di vida susu, ku mataduris, kaiduris di cai, botaduris di sorti, kilis ku ta adora idulus, ku tudu munturusis, se lugar i na sedu na lagua ku na yardi ku fugu ku nŝofri; i el ki sugundu mortu.”

Apokalipsi 22:15

Kilis ku ta fasi suma kacur e ten ku fika fora, ku botaduris di sorti, ku kilis ku ta fasi pekadu seksual, ku mataduris, ku adoraduris di idulus, ku kilis ku gosta di konta mintida.

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.