Filipensis 2:6 - BIBLIA - traduson antigu in Krioulo

⁶ “Sempri i teneba naturesa di Deus, ma i ka kuda kuma i dibi di buska sedu igual ku Deus a forsa.

Filipensis 2:6 ပူးပေါင်းရင်းမြစ်များ

Isaias 7:14

SIÑOR propi i na da bos un sinal: Un bajuda na bin preña, i na padi un fiju ku na comadu Emanuel.

Isaias 8:8

I na yentra na Judá tok i kubril, i inci tok i ciga na garganti. I na distindi si asas, i kubri largura di bu tera, o Emanuel.”

Isaias 9:6

Un mininu padidu ja pa nos; no dadu un fiju. Puder di guberna sta riba di si ombras; si nomi na comadu Maravilyosu, Konsijadur, Deus Forti, Pape di Iternidadi, Rei di Pas.

Jeremias 23:6

Na si tempu Judá na sedu salbu; Israel na sinta suguru. Nomi ki na ba ta comadu i SIÑOR NO JUSTISA.

Mikeias 5:2

SIÑOR fala: “Abo, Belen Efrata, nin ku bu sedu pikininu na metadi di milyaris di Judá, na bo ki na bin sai pa mi kil ku na sedu ŝef na Israel, ku si kumsada sedu disna di tempus mas antigu ku pasa.”

Zakarias 13:7

SIÑOR ku ten tudu puder fala: “O spada, disperta, bu lanta kontra ña bakiadur, ki omi ku sedu ña kumpañer! Mata bakiadur; karnelis na pajiga. N na vira ña mon kontra pikininus.”

Mateus 1:23

“Un bajuda na bin preña, i na padi un fiju macu ku na comadu Emanuel,” ku sedu: “Deus sta ku nos.”

Bon Noba di Jesus Kristu ku Jon 1:18

Te aos ningin ka oja Deus; si Fiju un son ku sta juntu ku si Pape i pui pa no kunsil.

Bon Noba di Jesus Kristu ku Jon 10:30

Ami ku ña Pape, anos i un son.”

Bon Noba di Jesus Kristu ku Jon 10:33

Judeus ruspundil: “No ka na dau ku pedra pabia di nin un kusa bon ku bu fasi, ma pabia bu na lebsi Deus. Abo i omi, ma bu na coma bu kabesa Deus.”

Bon Noba di Jesus Kristu ku Jon 10:38

ma si N ta fasi tarbaju di ña Pape, nin si bo ka fia na mi, bo ta fia na ki tarbaju, pa bo pudi ntindi, bo fia kuma ña Pape sta na mi; ami N sta nel.”

Bon Noba di Jesus Kristu ku Jon 14:28

Bo obi ke ku N fala bos, kuma N na bai, N na bin bin pa bos. Si bo aman di bardadi, bo ta kontenti suma ku N fala bos kuma N na bai pa ña Pape, pabia el i mas mi puder.

Bon Noba di Jesus Kristu ku Jon 14:9

Jesus falal: “Filip, N sta manga di tempu ku bos; bo ka kunsin inda? Kin ku ojan, i oja ña Pape. Kuma ku bu na falan pa N mostra bos ña Pape?

Bon Noba di Jesus Kristu ku Jon 17:5

Pape, glorifikan juntu di bo propi ku ki gloria ku N teneba ku bo antis di mundu sedu.

Bon Noba di Jesus Kristu ku Jon 20:28

Tome ruspundil: “Ña Siñor! Ña Deus!”

Bon Noba di Jesus Kristu ku Jon 5:18

Pabia de palabra ŝefis di judeu e mas na buska matal; i ka son kuma Jesus ta kebraba dia di diskansu, ma i ta fala tambi kuma Deus i si Pape; asin el i juntu ku Deus.

Bon Noba di Jesus Kristu ku Jon 5:23

pa tudu jinti pudi rispita Fiju suma ke rispita si Pape. Kin ku ka rispita Fiju, i ka ta rispita si Pape ku mandal.

Romanus 9:5

I elis ku sai na jorson di papes antigu. Na ladu di familia, Kristu sai na ki jorson. El i sta riba di tudu, i sedu Deus ku dibi di ngabadu pa sempri! Amen.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 8:9

Bo sibi kuma no Siñor Jesus Kristu staba pruntu pa da. El i seduba riku, ma pa amor di bos i bida pobri, pa i pudi fasi bos riku pabia di si pobresa.

1 Timótiu 1:17

Asin no da onra ku gloria pa tudu sempri pa Rei iternu, uniku Deus, ku ka na muri, ku ka ta ojadu. Amen.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 1:3

I el ku sedu briliu di gloria di Deus, ku si parsensa sertu; el ku nguenta tudu kusa ku puder di si palabra. Dipus di da si vida pa yangasa limpesa di no pekadu, i sinta na mon direita di garandi Rei na seu.

Ebreus 1:6

Oca ki na mandaba si purmeru Fiju na mundu, i fala tambi: “Tudu anjus di Deus pa e adoral.”

Ebreus 1:8

Ma i fala di Fiju: “O Deus, bu tronu na kontinua pa sempri; Na bu renansa bu ta guberna ku justisa.

Ebreus 13:8

Jesus Kristu i mesmu aonti, ku aos, pa sempri.

Apokalipsi 21:6

I torna falan: “I sedu ja. Ami i Alfa ku Omega, kumsada ku kabantada. Kin ku tene sedi, N ta patil yagu di ki fonti di yagu ku ta da vida.