Filipensis 2:30 - BIBLIA - traduson antigu in Krioulo

³⁰ pabia i riska si vida, kuas pa muri, pabia di tarbaju di Kristu, pa dan ajuda ku abos bo ka pudi danba.

Filipensis 2:30 ပူးပေါင်းရင်းမြစ်များ

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Romanus 16:4

Elis e pui se kabesa na pirigu pabia di ña vida. I ka ami son ku fika elis obrigadu, ma tudu igreẑa di jintius.

1 Koríntius 15:53

pabia i pirsis kil ku ta dana pa i bida kil ku ka ta dana; kil ku ta muri pa i bida kil ku ka ta muri.

1 Koríntius 16:10

Si Timótiu ciga la, bo fasil pa i sinti a vontadi na bo metadi, pabia i sta na tarbaju di Siñor suma mi.

1 Koríntius 16:17

N kontenti suma Stéfanas ku Fortunatu ku Akaiku bin, pabia e toma bo lugar ku na faltanba.

2 Koríntius 12:15

N ta kontenti pa gasta tudu ku N tene, te ña kurpu, pa juda bos. N na ama bos kada bias mas; N dibi di sedu menus amadu tambi?

2 Koríntius 4:12

Asin mortu na tarbaja na nos, vida na bos.

Filipensis 2:17

Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

Filipensis 2:27

Na bardadi i staba duenti, kuas pa muri, ma Deus ten pena del; i ka son del, ma tambi di mi, pa ka N ten tristesa riba di tristesa.

Filipensis 4:10

N sta kontenti dimas na Siñor suma ku, dipus di manga di tempu, bo torna mostra bo manera di kuida di mi. I ka kuma bo diskisi di mi, ma i manera di manda ku ka tenba.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

Filemon 1:13

N mistiba fika ku el pa i sirbin na bu lugar, kontra N sta prezu pabia di Bon Noba,

Apokalipsi 12:11

E ngañal pabia di sangi di Karnel, ku palabra di se tustumuñu. E ka ama se vida, ma e sta pruntu pa muri.