Filipensis 2:28 - BIBLIA - traduson antigu in Krioulo

²⁸ E ku manda N na manda bos el mas dipresa, pa bo pudi ojal utru bias, bo fika kontenti; ami N ta ten menus tristesa.

Filipensis 2:28 ပူးပေါင်းရင်းမြစ်များ

Kumsada 48:11

Dipus i fala José: “Ami N ka pensaba oja bu rostu mas, ma Deus fasin N ojau tudu ku bu fijus.”

Bon Noba di Jesus Kristu ku Jon 16:22

Asin tambi, abos gosi na bardadi bo tene kasabi, ma N na torna oja bos; bo korson na inci alegria; ningin ka na pudi tira bos el.

Atus 20:38

Kusa ku mas pui elis fika tristi i palabra ki fala elis kuma, e ka na oja si rostu mas. E kumpañal te na barku.

2 Koríntius 2:3

E ku manda N skirbi bos ki karta. N ka mistiba bai la, pa jinti ku dibi di fasin alegri pa e fasin tristi. N fiansa kuma, si ami N sta kontenti, abos tudu bo ta sta kontenti tambi.

Filipensis 2:29

Asin bo risibil ku garandi kontentamentu, suma un ermon na Siñor. Bo rispita jinti suma el,

2 Timótiu 1:4

N ta lembra di bu larmas; N tene garandi vontadi pa ojau, pa N pudi inci di kontentamentu.