Filipensis 2:26 - BIBLIA - traduson antigu in Krioulo

²⁶ I sinti saudadi di bos tudu; i fika ku kasabi suma ku bo obi kuma i staba duenti.

Filipensis 2:26 ပူးပေါင်းရင်းမြစ်များ

2 Samuel 13:39

Oca ki konsola di mortu di Amnon, i sinti saudadis di Absalon.

2 Samuel 24:17

Oca ku Davi oja anju ku na mata jinti, i fala SIÑOR: “I ami ku fasi pekadu; kulpa i di mi. E koitadis, ke ke fasi? Bu mon dibi di sta kontra mi ku ña familia.”

Jo 9:27

Si N fala: ‘N na diskisi di ña keŝa, N na kumpu ña rostu, N ri,’

Salmus 69:20

Koba mal kebrantan korson; N fika fraku dimas. N pera kin ku na sinti pena di mi, ma i ka ten. N pera kin ku na dan konfortu, ma N ka oja ningin.

Ditus 12:25

Miskiñu na korson di omi i ta batil, ma bon palabra ta tisil kontentamentu.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Mateus 11:28

Bo bin pa mi, abos tudu ku kansa ku kargu pisadu; N na diskansa bos.

Mateus 26:37

I leba Pedru ku ki dus fiju di Zebedeu; i kumsa na sinti tristesa meduñu.

Atus 21:13

ma Paulu ruspundi: “Ke ku bo na fasi? Bo na cora pa pui ña korson fiks tristi. Ami N sta pruntu, i ka son pa maradu, ma N sta pruntu te pa muri na Jerusalen pabia di nomi di Siñor Jesus.”

Romanus 1:11

N misti oja bos, pa N pudi rapati ku bos puder spiritual, pa bo pudi fika mas forti.

Romanus 12:15

Bo kontenti ku kilis ku sta kontenti, bo cora ku kilis ku na cora.

Romanus 9:2

kuma N ten garandi tristesa ku dur ku ka ta kaba na ña korson,

1 Koríntius 12:26

Asin, si un parti na sufri, tudu ta sufri ku el. Si un parti ngabadu, tudu ta kontenti juntu ku el.

2 Koríntius 9:14

Elis e na ora pa bos ku garandi amor, pabia di rikesa di grasa ku Deus pui na bos.

Gálatas 6:2

Bo juda ŋutru ku kargu; asin bo ta fasi kil ku lei di Kristu fala.

Efésius 3:13

E ku manda N na pidi bos pa ka bo pirdi koraẑen na ña sufrimentu pa bos, pabia el ku ta tisi bos gloria.

Filipensis 1:3

N ta fala Deus obrigadu tudu bias ku N lembra di bos.

Filipensis 1:8

Deus i ña tustumuña kuma ku N ten garandi diseẑu di bos tudu, ku saudadi fundu ku bin propi di korson di Kristu Jesus.

Filipensis 2:25

N oja kuma i bon pa N manda bos no ermon Epafroditu, ña kumpañer di tarbaju ku di luta, kil ku bo mandanba pa i judan na ña nesesidadi.

Filipensis 2:27

Na bardadi i staba duenti, kuas pa muri, ma Deus ten pena del; i ka son del, ma tambi di mi, pa ka N ten tristesa riba di tristesa.

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

1 Pedru 1:6

Es i un roson pa bo sinti garandi alegria, kontudu i pudi pirsisadu pa bo fika tristi pa un tempu pabia di manga di koldadi probason ku pudi bin.