Filipensis 2:19 - BIBLIA - traduson antigu in Krioulo

¹⁹ Si i vontadi di Siñor Jesus, N spera kuma N ka na tarda pa manda bos Timótiu, pa N pudi fika animadu pa obi bo noba.

Filipensis 2:19 ပူးပေါင်းရင်းမြစ်များ

Jeremias 17:5

Asin ku SIÑOR fala: “Maldisuadu i omi ku fiansa na omi, ku dipindi di forsa di karni, ku si korson lunjusi SIÑOR.

Mateus 12:21

Nasons na pui se speransa nel.”

Atus 16:1

I ciga na Derbi ku Listra. I staba la un krenti ku comadu Timótiu, fiju di un minjer judeu, krenti, ma si pape i gregu.

Romanus 15:12

Isaias fala tambi: “I na ten un algin na jorson di Jesé ku na lanta pa guberna jintius; jintius na pera nel.”

Romanus 16:21

Timótiu, ña kumpañer na tarbaju, i manda bos manteña, ku Lusiu, ku Jason, ku Sosípatru, ña parentis.

1 Koríntius 4:17

Pabia des N na manda bos Timótiu, ña fiju ku N ama; i fiel na Siñor; i ta juda bos lembra nsinamentu di kamiñu ku N ta yanda nel juntu ku Kristu, ku N ta nsina tambi na tudu parti, na kada igreẑa.

Efésius 1:13

Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka bos ku Spiritu Santu ki falaba i na da.

Filipensis 1:1

Anos, Paulu ku Timótiu, servus di Kristu Jesus, no na skirbi pa tudu pobu di Deus na Fílipus ku sta ligadu ku Kristu Jesus, tudu ku se garandis ku diákunus.

Filipensis 2:18

Di mesmu manera, bo kontenti tambi; bo rapati bo alegria ku mi.

Filipensis 2:28

E ku manda N na manda bos el mas dipresa, pa bo pudi ojal utru bias, bo fika kontenti; ami N ta ten menus tristesa.

1 Tesalonisensis 3:2

no manda Timótiu, no ermon ku tarbaja pa Deus juntu ku nos na anunsia Bon Noba di Kristu, pa da bos animu, pa bo fika firmi na bo fe,

1 Tesalonisensis 3:5

Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

Tiagu 4:15

Kusa ku bo dibi di fala i asin: “Si Deus kiri, i danu vida, no ta fasi ’sin ku ’sin.”

1 Pedru 1:21

I pabia del ku bo fia na Deus ku lantandal na metadi di mortus, i dal gloria, pa bo fe ku bo speransa pudi sta na Deus.