Filipensis 2:17 - BIBLIA - traduson antigu in Krioulo

¹⁷ Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

Filipensis 2:17 ပူးပေါင်းရင်းမြစ်များ

Numerus 28:6

Es i oferta kemadu ku ta dadu sempri, ku kumsadu na monti Sinai suma oferta ku ta cera sabi, pasadu na fugu pa SIÑOR.

Numerus 28:7

Ku ki fiju di karnel bo na da oferta di bibida di 1 litru di biñu ku na darmadu na kau sagradu dianti di SIÑOR.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 21:13

ma Paulu ruspundi: “Ke ku bo na fasi? Bo na cora pa pui ña korson fiks tristi. Ami N sta pruntu, i ka son pa maradu, ma N sta pruntu te pa muri na Jerusalen pabia di nomi di Siñor Jesus.”

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

2 Koríntius 12:15

N ta kontenti pa gasta tudu ku N tene, te ña kurpu, pa juda bos. N na ama bos kada bias mas; N dibi di sedu menus amadu tambi?

2 Koríntius 4:12

Asin mortu na tarbaja na nos, vida na bos.

2 Koríntius 6:10

no fasidu tristi, ma sempri kontenti; no parsi pobri ma no ta fasi manga di jinti riku; no parsi suma ku no ka tene nada, ma na bardadi no tene tudu.

2 Koríntius 7:4

N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

Filipensis 1:20

Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

Filipensis 2:18

Di mesmu manera, bo kontenti tambi; bo rapati bo alegria ku mi.

Filipensis 2:30

pabia i riska si vida, kuas pa muri, pabia di tarbaju di Kristu, pa dan ajuda ku abos bo ka pudi danba.

Filipensis 4:18

N risibi ciu; kil ku bo mandan i ciu dimas. N tene tudu ku N pirsisa del, suma ku Epafroditu dan kil ku bo mandan. I suma oferta ku ta cera sabi pa Deus, ki ta kontenti pa risibi.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

1 Tesalonisensis 2:8

Manera ku no ama bos, no tenba garandi vontadi, i ka son pa rapati Bon Noba ku bos, ma no propi vida, suma ku no ama bos ciu.

2 Timótiu 4:6

Ami N sinti kuma ña ora di bai sta ja pertu. Ña vida na darmadu ja suma limaria di ronia.

1 Pedru 2:5

abos tambi, suma pedras bibu, bo na kumpudu pa forma kasa spiritual, pa sedu saserdotis santu pa fasi sakrifisius ku Deus ta seta, sakrifisius spiritual pabia di Jesus Kristu.

1 Jon 3:16

I es ku manda no sibi ke ki amor, suma ku Kristu da si vida pa nos. Anos tambi no dibi di da no vida pa no ermons.