Filipensis 2:16 - BIBLIA - traduson antigu in Krioulo

¹⁶ kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

Filipensis 2:16 ပူးပေါင်းရင်းမြစ်များ

Salmus 40:9

N konta kil ki sertu na juntamentu garandi; N ka kala ku ña palabra; SIÑOR, bu sibi kila.

Salmus 71:17

O Deus, bu nsinan disna di ocan rapas; te aos N ta diklara kusas garandi ku bu fasi.

Isaias 49:4

Ma N fala: “N tarbaja amonton; N gasta ña forsa na nada, sin purbitu. Ma ki pagamentu ku N ten diritu di risibi i sta nunde SIÑOR ña Deus.”

Mateus 10:27

Ke ku N konta na sigridu, bo papial di dia; kil ku kontadu na oreja, bo kontal riba di kankra.

Lukas 12:8

“N na fala bos kuma, tudu algin ku konta dianti di jinti kuma el i di mi, tambi ami, Fiju di omi, N ta konta dianti di anjus di Deus kuma el i di mi,

Bon Noba di Jesus Kristu ku Jon 6:63

I Spiritu di Deus ku ta da vida; omi na si forsa ka ta bali nada. E palabra ku N fala bos i Spiritu, i vida,

Bon Noba di Jesus Kristu ku Jon 6:68

Simon Pedru ruspundil: “Siñor, pa kin ku no na bai? I abo ku tene palabra ku ta da vida ku ka ta kaba.

Atus 13:26

“Ña ermons, abos ku sedu di jorson di Abraon, ku kilis ku sta na bo metadi ku rispita Deus, i pa nos ke palabra di salbason mandadu.

1 Koríntius 1:8

I na guarda bos firmi te na kabantada, pa ka bo fika kulpadu di nada na dia di no Siñor Jesus Kristu.

1 Koríntius 9:26

E ku manda ami N ta kuri ku uju na meta; N ta sukia, ma i ka na ar.

Gálatas 2:2

N bai, pabia Deus mostran kuma N dibi di bai. Na un runion aparti ku garandis di igreẑa, N konta se dianti Bon Noba ku N ta konta pa kilis ku ka sedu judeus. N ka mistiba pa tarbaju ku N fasi, ku N na fasiba inda, sedu na nada.

Gálatas 4:11

N medi pa bos, pa ña tarbaju pa bos ka bin sedu suma mon di sal na yagu.

Filipensis 1:10

pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 1:6

N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

1 Tesalonisensis 2:19

Na fin, kal ki no speransa, o no alegria, o koroa di gloria? Ora ku no Siñor Jesus bin, ku no na firma si dianti, i ka abos

1 Tesalonisensis 3:5

Asin N ka pudiba nguenta mas; N mandal pa i bai sibi di bo fe. N tenba medu kuma talves tentadur tenta bos; asin no tarbaju pudiba fika danadu.

Ebreus 4:12

Palabra di Deus i bibu, i forti. I ta mas korta di ki spada di dus boka; i ta yentra te dentru di algin nunde ku alma ku spiritu ta rapati, te na metadi di juntamentu di os. I kapas di julga vontadi ku pensamentu di korson.

1 Pedru 1:23

Palabra di Deus ku tene vida, ku ta fika pa sempri, i el ku pui pa bo padidu utru bias; bo ka padidu na pape ku ta muri, ma na pape ku ka ta muri.

1 Jon 1:1

No na skirbi aserka di Palabra di vida ku tenba disna di kumsada. No obil, no ojal ku no uju, no jubil, no mon toka nel.

Apokalipsi 22:17

Spiritu ku noiva e fala: “Bin.” Kin ku obi pa i fala: “Bin.” Kin ku tene sedi pa i bin. Kin ku misti, i ta toma, sin paga nada, yagu ku ta da vida.