Filipensis 2:15 - BIBLIA - traduson antigu in Krioulo

¹⁵ pa bo pudi sedu puru, inosenti, fijus di Deus sin kulpa, ku na vivi na mundu di jinti mau i tortu. Bo ten ku lampra na se metadi suma strelas ku na numia mundu,

Filipensis 2:15 ပူးပေါင်းရင်းမြစ်များ

Salmus 122:5

Tronus di julgamentu sta la, ku sedu tronus di kasa di Davi.

Saida 34:35

e ta oja kuma ku peli di si rostu na lampra. Asin i ta torna kubri rostu ku veu te ora ki yentra mas pa papia ku Deus.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Ditus 8:8

Tudu palabra di ña boka i justu; i ka ten nin un palabra tortu nin di nganu.

Isaias 60:1

Lanta, bu brilia, pabia bu lus bin; gloria di SIÑOR na mansi riba di bo.

Daniel 6:4

Ki ministrus ku presidentis fika e na buska roson pa pudi keŝa di Daniel na parti di si tarbaju na renu, ma e ka oja kulpa nel, pabia Daniel seduba di fiansa. E ka oja nin kurupson nin falia nel.

Mateus 10:16

Ali N na manda bos suma karnel na metadi di lubu; gosi bo dibi di jiru suma kobra, mansu suma pumba.

Mateus 17:17

Jesus ruspundi, i fala: “Abos i jinti mofinu ku ka ten fe! Te kal tempu ku N ten ku fika ku bos? Te kal tempu ku N na nguenta bos? Bo tisin el li.”

Mateus 5:45

pa bo pudi sedu fijus di bo Pape ku sta na seu, pabia i ta fasi pa si sol sai pa jinti mau ku jinti bon; si cuba ta kai riba di jinti justu ku injustu.

Mateus 5:48

Bo sedu pirfitu suma bo Pape ku sta na seu.

Lukas 1:6

Elis tudu dus e ta yandaba diritu dianti di Deus; e ta guardaba mandamentu ku lei di Siñor; ningin ka pudi culi elis dedu.

Lukas 6:35

Bo ama bo inimigus, bo fasi ben, bo pista; ka bo pera pagamentu; asin bo ta bin risibi garandi premiu; bo ta sedu fijus di Deus ku sta riba di tudu, pabia el i bon pa kilis ku ingratu i mau.

Bon Noba di Jesus Kristu ku Jon 5:35

Jon seduba kanderu ku na yardiba, i numia; abos bo misti alegra un bokadiñu di tempu ku si lus.

Atus 2:40

Pedru konsija elis ku manga di palabra, i avisa elis, i fala: “Bo libra bo kabesa di jinti mau de tempu.”

Atus 20:30

Na bo metadi propi utru omis na lanta, e na tursi bardadi pa pui utru krentis bai se tras.

Romanus 16:19

Tudu jinti sibi kuma bo ta obdisi. E ku manda N kontenti ku bos. N misti pa bo jiru pa kusa bon, pa bo sedu inosenti pa kusa ku ka bali.

1 Koríntius 1:8

I na guarda bos firmi te na kabantada, pa ka bo fika kulpadu di nada na dia di no Siñor Jesus Kristu.

2 Koríntius 6:17

E ku manda Siñor fala: “Bo sai na se metadi; bo separa delis. Ka bo toka nada impuru; ami N ta risibi bos,

Efésius 5:27

pa i pudi pursental pa si kabesa, un igreẑa gloriosu, sin manca, sin marlota, nin kualker utru difeitu, ma puru, ku ningin ka pudi culil dedu.

Ripitison di Lei 32:5

Abos bo bida kuruptu kontra el, bo ka sedu ja si fijus pabia di bo manca; bo sedu un pobu tortu i mau.

Filipensis 1:10

pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 3:6

N sigi lei ku tudu mpeñu tok N pirsigi igreẑa. Si algin pudi sedu justu na lei, N ka tenba kulpa la,

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

1 Timótiu 3:10

E ten ku probadu purmeru; dipus, si i ka ten nada kontra elis, e ta pega tarbaju.

1 Timótiu 3:2

I pirsis pa un presbiteru sedu sin kulpa, maridu di un minjer son, seriu, ku sibi guberna si kabesa, ku ten ordi, ku ta risibi ospri na si kasa, ku ten jitu pa nsina.

1 Timótiu 5:14

Asin, N ta misti pa viuvas mas nobu kasa, pa e tene fijus, e trata di se kasa, pa ka e da motivu pa inimigu fala mal,

1 Timótiu 5:20

Kilis ku na fasi mal, raprindi elis dianti di tudu, pa ki utrus pudi medi.

1 Timótiu 5:7

Da elis ordi, pa e pudi yanda sin kulpa.

Titu 1:6

i ten ku sedu algin sin kulpa, omi di un minjer son, ku tene fijus krenti ku ka ta faladu kuma e ten falta di ordi, o e ka ta obi,

Titu 2:10

ka e ba ta toma kusa ku se dunu ka da elis, ma e ten ku mostra sedu sempri bon i fiel, pa e sedu un bon fajamentu na tudu kusa pa nsinamentu di Deus no Salbadur.

Titu 2:15

Nsina e kusas, bu konsija, bu raprindi elis ku tudu otridadi. Ka bu disa ningin lebsiu.

Ebreus 7:26

No pirsisaba di un Ŝef di Saserdoti suma es, puru, sin pekadu, sin manca, lunjusidu di jinti ku ta peka, yalsadu pa un lugar mas altu na seu,

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Pedru 2:9

Ma abos bo sedu rasa kujidu, saserdotis di rei, nason santu, pobu ku Deus ranja pa el, pa konta garandi obras di kil ku coma bos na sukuru pa si lus bonitu.

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.

Apokalipsi 2:5

Lembra di ki kau altu ku bu kai nel. Ripindi, bu fasi suma ku bu ta fasiba na kumsada. Si i ka asin, N ka na tarda N na bin pa bo, N na tira bu kanderu na si lugar, si bu ka ripindi.

Apokalipsi 3:9

Jubi, kilis ki di kasa di juntamentu di Satanas, ku na konta mintida, e fala kuma elis i judeus ma e ka sedu, N na pui elis pa e bin, e mborka bu dianti; e ta sibi kuma N amau.