Filipensis 1:6 - BIBLIA - traduson antigu in Krioulo

⁶ N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

Filipensis 1:6 ပူးပေါင်းရင်းမြစ်များ

Salmus 138:8

SIÑOR na kumpri si planu pa mi; ka bu bandona bu tarbaju na metadi. SIÑOR, bu bondadi i ta tarda pa sempri.

Bon Noba di Jesus Kristu ku Jon 6:29

Jesus ruspundi elis: “Kusa ku Deus misti i pa bo fia na kil ki manda.”

Atus 11:18

E kaba di obi e kusas, e kalma, e da Deus gloria, e fala: “Na bardadi Deus da tambi jinti di utru rasa ripindimentu pa e pudi tene vida.”

Atus 16:14

Un minjer ku comadu Lidia, di prasa di Tiatira, bindidur di fazenda purpura, ku ta adoraba Deus, i na sukutanuba. Siñor yabril korson pa i pui sintidu na kil ku Paulu na fala.

1 Koríntius 1:8

I na guarda bos firmi te na kabantada, pa ka bo fika kulpadu di nada na dia di no Siñor Jesus Kristu.

2 Koríntius 1:15

N tenba tantu sertesa de kusas ku N fasi kalkulu pa visita bos purmeru, pa bo risibi dus benson,

2 Koríntius 2:3

E ku manda N skirbi bos ki karta. N ka mistiba bai la, pa jinti ku dibi di fasin alegri pa e fasin tristi. N fiansa kuma, si ami N sta kontenti, abos tudu bo ta sta kontenti tambi.

2 Koríntius 7:16

N fika ku garandi kontentamentu pabia na tudu N ten fiansa na bos.

2 Koríntius 9:4

Si jinti di Masedonia bai ku mi, e ka oja bos purparadu, i garandi borgoña pa nos, pa fiansa ku no mostra na bos. Abos tambi bo ta burguñu.

Gálatas 5:10

No unidadi na Siñor i dan fiansa kuma bo ka na kuda di utru manera, ma ki algin ku na disinketa bos, kualker algin ki sedu, Deus na kastigal.

Efésius 4:12

I fasi es pa pudi purpara pobu di Deus pa e tarbaja pa el, pa formason di kurpu di Kristu.

Filipensis 1:10

pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 1:29

pabia bo dadu fabur, i ka son pa fia na Kristu, ma tambi pa sufri pa el.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Filipensis 2:13

pabia i Deus ku ta tarbaja na bos pa da bos diseẑu ku puder pa kumpri si bon vontadi.

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

Kolosensis 2:12

Na batismu bo nteradu ku el; tambi bo lantandadu ku el pabia di bo fe na puder di Deus ku lantandal di mortu.

1 Tesalonisensis 1:3

No ta lembra sempri dianti di no Pape, ku sedu Deus, kuma ku bo fe ta mostra na kusas ku bo na fasi; bo amor i pui bo tarbaja ciu, bo speransa na no Siñor Jesus Kristu i firmi.

2 Tesalonisensis 1:11

E ku manda no ta ora sempri pa bos, pa no Deus fasi bos mersidur di vida ki coma bos pa el, pa i kumpri ku si puder tudu bo diseẑu di sedu bon, tambi pa i kompleta bo tarbaju di fe,

2 Tesalonisensis 3:4

No ten fiansa na Siñor aserka di bos, kuma bo na fasi, bo na kontinua fasi, kil ku no manda bos.

Filemon 1:21

N skirbiu ku fiansa kuma bu na fasi kil ku N pidiu. Bardadi N sibi kuma bu na fasi inda mas.

Ebreus 10:35

Asin, ka bo bota bo fiansa, pabia i ta tisi garandi purbitu.

Ebreus 12:2

No pui uju na Jesus, kil ku no fe ta kumsa nel, i ta kaba nel. Pabia di sabura ku staba si dianti, i nguenta krus, i dispreza borgoña di ki ora; i bai sinta na direita di tronu di Deus.

1 Pedru 5:10

Dipus di bo sufri un bokadu di tempu, Deus ku ta da tudu grasa, ku coma bos na Kristu pa bo toma parti na si gloria ku ka na kaba, i ta fasi bos kompletu, i ta firmanta bos, i fortifika bos, i da bos firmi alisersu.

2 Pedru 3:10

Dia di Siñor na bin suma ladron. Na ki dia seu na disparsi ku garandi baruju. Strelas na yardi, e na pajiga. Tera ku tudu kusa ku sta nel i na kemadu.