Filipensis 1:27 - BIBLIA - traduson antigu in Krioulo

²⁷ Kusa importanti i pa bo manera di vivi sedu dignu di Bon Noba di Kristu, pa nin si N bai jubi bos o nau, N pudi obi kuma bo sta firmi na un sintidu son, bo na geria juntu pa fe di Bon Noba, ku un pensamentu son.

Filipensis 1:27 ပူးပေါင်းရင်းမြစ်များ

1 Kronikas 19:12

Joab fala Abisai: “Si sirus bin mas mi forsa, bu ta bin sakuran; si amonitas bin mas bo forsa, N ta bai sakurau.

Salmus 122:3

Jerusalen kumpudu suma prasa ku tene kasas pertu di ŋutru.

Salmus 133:1

Un kusa bon i sabi dimas i pa ermons vivi juntu na unidadi!

Ditus 22:23

pabia SIÑOR na difindi si kasu; i na tira vida di kilis ku na robal kusas.

Jeremias 32:39

N na da elis un korson son, ku un manera son di yanda, pa e pudi rispitan tudu dia, pa ben delis ku se fijus.

Mateus 12:25

Jesus ntindi se pensamentus, i fala elis: “Tudu renu ku dividi kontra si kabesa, i ta danadu. Tudu prasa, o familia, ku dividi kontra si kabesa, i ka ta nguenta.

Atus 2:46

E kontinua junta na kasa di Deus kada dia, ku un sintidu son; e ta rapati pon na kasa, e ta kume juntu ku kontentamentu, di korson limpu,

Atus 24:24

Dias pasa; Féliŝ bin ku si minjer Drusila ku seduba judeu. I manda coma Paulu, i sukutal oca i na papia di fe na Kristu Jesus.

Atus 4:32

Ki manga di krenti teneba un pensamentu ku un korson. Ningin ka ta falaba: “E kusa li i di mi.” Tudu se kusas, e ta rapatil ku ŋutru.

Romanus 1:16

N ka ta sinti borgoña di Bon Noba di Kristu, pabia i puder di Deus pa salba tudu kil ku fia nel, purmeru judeus, ku kilis ki ka judeus tambi.

Romanus 1:5

Pabia del no risibi fabur di sedu apostolus pa amor del, pa leba jinti di tudu rasa pa e obdisil, e fia nel.

Romanus 1:9

Deus i ña tustumuña, ku N ta sirbi ku tudu ña korson, manera ku N ta konta Bon Noba di si Fiju. I sibi kuma N ta lembra di bos sempri

Romanus 10:8

Kusa ki fala i asin: “Palabra sta pertu di bo, na bu boka, na bu korson,” ku sedu e palabra di fe ku no prega,

Romanus 15:16

pa N sedu servu di Jesus Kristu pa leba si palabra pa jintius, pa N tarbaja na anunsiu di Bon Noba di Deus, pa jintius pudi setadu suma oferta ku Spiritu Santu santifika.

Romanus 15:29

N sibi kuma, ora ku N bai visita bos, N na ciga incidu di benson di Kristu.

1 Koríntius 1:10

Ermons, N pidi bos, na nomi di no Siñor Jesus Kristu, pa abos tudu bo fala un kusa son. Ka bo sedu divididu, ma bo uni na un pensamentu ku un sintidu.

1 Koríntius 15:58

Asin, ña kiridu ermons, bo sedu firmi; ka bo bulbuli; bo tene sempri vontadi na tarbaju di Siñor, suma ku bo sibi kuma, kusa ku bo fasi pa Siñor i ka amonton.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

2 Koríntius 4:4

Deus de mundu i sega ntindimentu di kilis ku ka ta fia, pa tuji elis oja lus ku na lampra riba delis, ki lus ku bin di Bon Noba di gloria di Kristu, kil ku, na bardadi, i parsensa di Deus.

2 Koríntius 9:13

E tarbaju ta proba kuma, na bardadi, bo ta obdisi Bon Noba di Kristu; i ka son setal ku boka. Pabia di kila, e ta glorifika Deus; e ta glorifikal tambi pa ki garandi oferta ku bo manda pa elis ku tudu jinti.

Gálatas 1:7

Na bardadi i ka ten utru bon noba, ma i ten jinti ku na kunfundi bos; e misti tursi Bon Noba di Kristu,

Efésius 1:13

Abos tambi ku obi palabra di bardadi, ku sedu Bon Noba ku tisi bos salbason, bo seta Kristu, bo yentra na union ku el; Deus marka bos ku Spiritu Santu ki falaba i na da.

Efésius 1:15

Pa e roson, desdi ku N obi di bo fe na Siñor Jesus, ku amor ku bo ten pa tudu pobu di Deus,

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Filipensis 1:5

pabia di manera ku bo judan na tarbaju di Bon Noba disna di purmeru dia te gosi.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Filipensis 2:24

N fia na Siñor kuma ami propi N ka na tarda, N na bai nunde bos.

Filipensis 3:18

N konta bos manga di bias; gosi N na ripitil ku larmas, kuma i ten manga delis ku se vida fasi elis inimigu di krus di Kristu,

Filipensis 3:20

Ma anos, no prasa i na seu; di la ku no na pera Salbadur, Siñor Jesus Kristu, ku na bin

Filipensis 4:1

Asin, ña ermons ku N ama ciu, ku N ten saudadi del, ña alegria ku ña koroa, bo fika firmi na Siñor ne manera, ña kiridus.

Kolosensis 1:10

pa bo pudi yanda na manera dignu di Siñor, pa i pudi kontenti ku bos na tudu, pa bo vida mostra tudu koldadi frutu na bon kusas ku bo ta fasi, pa bo kirsi na kuñisimentu di Deus.

Kolosensis 1:4

manera ku no obi di bo fe na Kristu Jesus, ku amor ku bo ten pa tudu pobu di Deus.

1 Tesalonisensis 3:6

Gosi ku Timótiu riba di visita bos, i tisinu bon noba di bo fe ku bo amor, i kontanu kuma bo ta pensa sempri ben di nos, kuma bo misti ojanu suma ku no misti oja bos,

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

1 Timótiu 1:19

Guarda bu fe, ku bon konsiensia. Utru jinti nega sukuta ke ku se konsiensia na fala elis, e dana se fe.

2 Timótiu 4:7

N luta bon lutu, N kaba ña kurida, N guarda fe.

Titu 2:10

ka e ba ta toma kusa ku se dunu ka da elis, ma e ten ku mostra sedu sempri bon i fiel, pa e sedu un bon fajamentu na tudu kusa pa nsinamentu di Deus no Salbadur.

Filemon 1:5

pabia N ta obi di bu amor pa tudu pobu di Deus, ku fe ku bu ten na Siñor Jesus.

Tiagu 3:18

Kilis ku ta buska pas e ta sumia ku spiritu di pas, e ta kebra frutu di un vida justu.

2 Pedru 3:11

Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,

2 Pedru 3:14

Asin, ña kiridu ermons, suma ku bo na pera e kusa, bo fasi mpeñu pa bo ojadu sin manca, sin kulpa, ku pas si dianti.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.