Filipensis 1:25 - BIBLIA - traduson antigu in Krioulo

²⁵ Suma ku N ten e sertesa, N sibi kuma N na bibu inda; N na fika ku bos tudu pa juda bos avansa na fe ku mas alegria,

Filipensis 1:25 ပူးပေါင်းရင်းမြစ်များ

Salmus 60:6

Deus papia na si kau sagradu, i fala: “Ku kontentamentu N na rapati Siken, N midi Kobon di Sukot.

Lukas 22:32

ma N ora pa bo, pa ka bu pirdi fe. Ora ku bu riba mas pa mi, bu ta fortifika bu ermons.”

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Atus 14:22

e fortifika krentis, e konsija elis pa e kontinua firmi na fe; e fala elis kuma, pa no yentra na renu di Deus, i pirsis pasa manga di sufrimentu.

Atus 20:25

“N ta yandaba na bo metadi, N konta bos tudu di renu di Deus. Gosi N sibi kuma bo ka na torna oja ña rostu mas.

Romanus 15:13

Asin Deus, ku ta da speransa, ta inci bos di kontentamentu ku pas pabia di bo fe, pa bo pudi ten garandi speransa na puder di Spiritu Santu.

Romanus 15:18

N ka na osa fala nada, son kil ku Kristu fasi atraves di ña mon, palabra ki dan pa N fala, ku kil ku N fasi ku puder di sinal ku milagri, na puder di Spiritu di Deus, pa jintius pudi obdisi Deus. Asin N kumsa na Jerusalen, N da volta tok N ciga na Ilíriku, N kaba konta Bon Noba di Kristu.

Romanus 15:29

N sibi kuma, ora ku N bai visita bos, N na ciga incidu di benson di Kristu.

Romanus 5:2

ku yentrandanu, pabia di no fe, ne fabur ku no firma nel. No kontenti na speransa ku no ten di gloria di Deus.

2 Koríntius 1:24

No ka misti forsa bos na bo krensa, pabia bo sta firmi na fe, ma no na tarbaja juntu ku bos pa bo pudi sta mas sabi.

Filipensis 1:24

ma pa amor di bos N kuda i mas pirsis pa N fika ku vida.

Filipensis 2:24

N fia na Siñor kuma ami propi N ka na tarda, N na bai nunde bos.

Filemon 1:22

N na pidiu mas un kusa, pa bu pruntia kuartu pa mi, pabia N spera kuma Deus na ruspundi bo orason, i na mandan pa bos.

1 Pedru 1:8

Bo ka ciga di oja Jesus, ma bo amal. Bo ka na ojal gosi ma bo fia nel. E ku manda bo kontenti ku garandi alegria gloriosu ku ka pudi kontadu,