Filipensis 1:23 - BIBLIA - traduson antigu in Krioulo

²³ Di tudu dus ladu N na jundadu. N ten diseẑu di disa e vida pa N sta ku Kristu, pabia i mas minjor,

Filipensis 1:23 ပူးပေါင်းရင်းမြစ်များ

2 Samuel 24:14

Davi fala Gad: “N foronta dimas! Ma i bon pa no kai na mon di SIÑOR, pabia i ta ten garandi pena di jinti; libran di N kai na mon di omis!”

Salmus 17:15

Ma ami, na ña retidon, N na oja bu rostu; ora ku N korda, N na kontenti ku bu parsensa. Salmu pa ŝef di musika. Davi, servu di SIÑOR, kanta palabras de kantiga pa SIÑOR na dia ku SIÑOR libral di mon di Saul ku di tudu si inimigus.

Salmus 49:15

Ma Deus na kaplintin di puder di mortu, i na risibin na si kau. Sela

Lukas 12:50

N ten ku batisadu ku sertu batismu; N sta ku kasabi tok e kusa kontisi, i pasa.

Lukas 23:43

Jesus falal: “N na kontau bardadi, aos propi bu na sta ku mi la na Paraísu.”

Lukas 8:38

Omi ku dimonius sai nel i pidil pa i disal i bai juntu ku el, ma Jesus mandal pa i bai, i falal:

Bon Noba di Jesus Kristu ku Jon 12:26

Kin ku na sirbin pa i sigin. Nunde ku N sta nel, ña servu na sta la tambi. Si algin sirbin, ña Pape na onral.

Bon Noba di Jesus Kristu ku Jon 13:1

Antis di festival di Paskua, Jesus sibiba ja kuma ora ciga pa i disa e mundu pa i bai pa si Pape. Suma ki ama kilis ki di sil ku staba ne mundu, i ama elis te na fin.

Bon Noba di Jesus Kristu ku Jon 14:3

Si N bai purpara bos lugar, N na bin utru bias, N na leba bos pa mi propi, pa nunde ku N sta nel, bo ta sta la tambi.

Bon Noba di Jesus Kristu ku Jon 17:24

Pape, kilis ku bu dan, N misti pa e sta juntu ku mi na kau ku N sta nel, pa e oja ña gloria ku bu dan, pabia bu aman antis di mundu kumpudu.

Atus 7:59

Suma ke na dalba ku pedra, Stevon ora, i fala: “Siñor Jesus, risibi ña spiritu.”

2 Koríntius 5:8

No ten konfiansa; no mas misti disa e kurpu ku no mora nel pa sta juntu ku Siñor.

2 Koríntius 6:12

I ka anos ku fica korson pa bos, ma i abos ku fica bo korson pa nos.

Filipensis 1:24

ma pa amor di bos N kuda i mas pirsis pa N fika ku vida.

1 Tesalonisensis 2:1

Ermons, abos propi bo sibi kuma no visita pa bos i ka amonton.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Tesalonisensis 4:17

Dipus, anos ku sta inda bibu, no na rabatadu juntu ku elis na nuven, pa kontra ku Siñor na ar. Asin no ta sta juntu ku Siñor pa sempri.

2 Timótiu 4:6

Ami N sinti kuma ña ora di bai sta ja pertu. Ña vida na darmadu ja suma limaria di ronia.

Apokalipsi 14:13

Dipus N obi un vos di seu ku fala: “Skirbi kuma: ‘Sortiadu kilis ku muri na mon di Siñor desdi gosi.’ ” Spiritu fala: “Sin, pa e pudi diskansa di se tarbaju kansadu; obras ke fasi ta kumpaña elis.”