Filipensis 1:20 - BIBLIA - traduson antigu in Krioulo

²⁰ Ña diseẑu fundu ku ña speransa i pa N ka yara, pa N bin ten motivu di fika ku borgoña, ma pa N pudi ten garandi koraẑen gosi, suma pa sempri, pa garandesa di Kristu pudi ojadu klaru na ña kurpu, si i pa vida o si i pa mortu.

Filipensis 1:20 ပူးပေါင်းရင်းမြစ်များ

Salmus 119:116

Suguran, konformi bu purmesa, pa N pudi tene vida; ka bu maina ña speransa.

Salmus 119:80

N misti obdisi bu ordis ku korson retu, pa N ka bin pasa borgoña.

Salmus 25:2

Ña Deus, N fiansa na bo; ka bu disan pasa borgoña, nin pa ña inimigus ŋumnin.

Salmus 62:5

Ña alma, pera ku pasensa pa Deus; i son nel ku ña speransa sta.

Ditus 10:28

Speransa di jinti justu i kontentamentu, ma speransa di jinti mau ka na da rusultadu.

Ditus 23:18

Asin bu na tene bon futuru; bu speransa ka na mpididu.

Isaias 45:17

ma SIÑOR na salba Israel ku un salbason ku ka ta kaba. Bo ka na pasantadu borgoña, nin bo ka na kunfundidu nunka mas.

Isaias 50:7

Suma ku SIÑOR Deus ta judan, N ka na pasa borgoña; e ku manda N risusi ña rostu suma pedra ku disison pa bai dianti; N sibi kuma N ka na pasa borgoña.

Isaias 54:4

“Ka bu medi pabia bu ka na pasantadu borgoña; ka bu burguñu, pabia bu ka na kunfundidu. Bu na diskisi di infidelidadi di bu nobresa; bu ka na lembra mas di borgoña di bu tempu di viuva.

Bon Noba di Jesus Kristu ku Jon 21:19

Jesus fala e kusa pa mostra kal koldadi mortu ku Pedru na bin muriba pa glorifika Deus. Oca i papia e kusa, i falal: “Sigin.”

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 21:13

ma Paulu ruspundi: “Ke ku bo na fasi? Bo na cora pa pui ña korson fiks tristi. Ami N sta pruntu, i ka son pa maradu, ma N sta pruntu te pa muri na Jerusalen pabia di nomi di Siñor Jesus.”

Atus 4:31

Dipus ke ora, lugar ke juntaba nel tirmi. Elis tudu e incidu ku Spiritu Santu, e kumsa na konta palabra di Deus ku koraẑen.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

Romanus 5:5

speransa ka ta tisi disanimu, pabia Spiritu Santu ku no dadu i darma amor di Deus dentru di no korson.

Romanus 6:13

Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben.

Romanus 6:19

Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

Romanus 8:19

Tudu ku Deus kumpu ta faima pa ki dia ku Deus na mostra kilis ku sedu si fijus,

Romanus 9:33

suma ki sta skritu: “Bo oja, N na pui na Sion un pedra di da tapada, un roca ku na pui elis kai. Kin ku fia nel ka na fika ku borgoña.”

1 Koríntius 15:31

Kada dia N na pera muri. Ña ermons, N konta bos asin pabia di kontentamentu ku N ten na bos, na no union na Kristu Jesus no Siñor.

1 Koríntius 6:20

pabia bo kumpradu ku bon pres. Bo ta tene bo kurpu pa gloria di Deus.

1 Koríntius 7:34

Asin i ta tene dus pensamentu. Un bajuda o un minjer ku ka kasa, i ta kuda son na tarbaju di Siñor. Si vontadi i pa ntregal si kurpu ku si spiritu, ma minjer kasadu, si kudadi i son na kusas de mundu, kuma ki pudi fasi si omi kontenti.

2 Koríntius 10:8

Nin ku N njata ciu pabia di otridadi ku Siñor dan pa N juda bos (i ka pa dana), N ka na burguñu.

2 Koríntius 3:12

No papia ku koraẑen pabia no ten e speransa.

2 Koríntius 4:10

Pa tudu ladu ku no na bai no ta tisi sempri mortu di Jesus na no kurpu, pa vida di Jesus pudi ojadu tambi na no kurpu.

2 Koríntius 5:15

I muri pa tudu, pa tudu kilis ku na vivi, pa e ka vivi mas pa se kabesa, ma pa kil ku muri pa elis, i torna vivi.

2 Koríntius 7:14

N ka fika ku borgoña pabia di kualker kusa bon ku N fala di bos. Kada palabra ku no ta falaba bos i sedu bardadi. Asin tambi, manera ku no ngaba bos dianti di Titu, i proba kuma i bardadi ku no kontal.

2 Koríntius 7:4

N na papia abertamenti ku bos; N ta njata pabia di bos; na tudu no fadiga N sta ku garandi koraẑen; N inci di kontentamentu tok i na darma.

Filipensis 1:14

Pabia di ña kalabus, mas parti di ermons na Siñor e ten mas animu pa fala palabra di Deus ku koraẑen, sin medu.

Filipensis 2:17

Si kontra ña sangi ten ku darmadu suma oferta riba di bo fe ku sedu suma sakrifisiu pa Deus, N ta kontenti; N ta rapati ña alegria ku bos tudu.

Kolosensis 1:24

N kontenti na ña sufrimentu pa bos, pabia e sufrimentu na ña kurpu i na juda kompleta kil ku falta na fadiga di Kristu pa si kurpu ku sedu igreẑa.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

1 Pedru 4:16

ma si bo sufri pabia bo sedu Kriston, ka bo burguñu; bo ngaba Deus pabia de nomi.

1 Jon 2:28

Ña fijus, bo pega nel, pa ora ki bin, no pudi ten fiansa; no ka na fika ku borgoña si dianti dia ki bin.