Filipensis 1:15 - BIBLIA - traduson antigu in Krioulo

¹⁵ Na bardadi utru delis ta konta Bon Noba di Kristu pabia e ten nveẑa ku spiritu di jus, ma utrus ta fasil di bon vontadi.

Filipensis 1:15 ပူးပေါင်းရင်းမြစ်များ

Mateus 23:5

Tudu ke ta fasi, e ta fasil pa jinti pudi oja elis. E ta mara fita largu na testa ku ta tene palabra di Deus nel, e ta ronka ku ropa franjidu ku tene borla.

Atus 10:36

I manda si palabra pa pobu di Israel, pa konta Bon Noba di pas ku ta bin pa meiu di Jesus Kristu. (El i Siñor di tudu jinti.)

Atus 11:20

I tenba na se metadi utrus ki di Ŝipri ku Sireni. Oca ke bai Antiokia e papia ku gregus tambi, e konta elis Bon Noba di Siñor Jesus.

Atus 5:42

E ka ta kansaba di bai tudu dia na kasa di Deus, ku kada kasa, pa nsina ku konta Bon Noba kuma Jesus i Mesias.

Atus 8:35

Filip toma palabra, i kumsa na ki kau ki lei, i kontal Bon Noba di Jesus.

Atus 8:5

Filip bai pa prasa di Samaria, i na kontaba elis di Kristu.

Atus 9:20

I kumsa janan na konta na kasa di juntamentu kuma Jesus i Fiju di Deus.

Romanus 2:8

ma kilis ku na fasi se propi vontadi, ku nega sigi bardadi, e misti son mal, e na risibi son raiba ku kastigu.

1 Koríntius 1:23

ma anos no ta konta aserka di Kristu krusifikadu, ku sedu ofensa pa judeus, tulesa pa gregus,

1 Koríntius 13:3

N pudi pati pobris tudu ku N tene; N pudi da ña kurpu propi pa i kemadu, ma si N ka ten amor, N ka na purbita nada.

2 Koríntius 1:19

Fiju di Deus, Jesus Kristu, ku ami ku Timótiu ku Silvanu no konta bos del, i ka jagasi Sin ku Nau, ma el i son Sin.

2 Koríntius 11:13

Ki koldadi jinti i apostolus finjidu, ku ta tarbaja ku nganu; e na finji kuma e sedu apostolus di Kristu.

2 Koríntius 12:20

N ten medu pa, ora ku N ciga, N ka bai oja bos suma ku N misti; pa ka abos tambi bo ojan na manera ku bo ka misti; pa ka i ten jus na bo metadi, ku nveẑa, raiba, junda-junda, rui, sibi di vida di utru jinti, garandesa ku jumbulumani.

2 Koríntius 4:5

No ka ta konta aserka di no kabesa, ma di Kristu Jesus suma Siñor; anos suma bo servus pa amor di Jesus.

Gálatas 2:4

kontudu utrus mistiba pa i sedu. E finji sedu ermons, e yentra sukundidu suma spion pa pudi jubi liberdadi ku no ten na no ligason ku Kristu Jesus. E misti mitinuba na kansera di lei,

Filipensis 2:3

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el.

1 Timótiu 3:16

I ka ten duvida kuma sigridu di no fe i fundu: “Kil ku parsi na kurpu di omi, na si spiritu i mostradu justu; anjus ojal; tudu rasa kontadu aserka del; jinti di tudu mundu fia nel; i risibidu na gloria na seu.”