Filipensis 1:10 - BIBLIA - traduson antigu in Krioulo

¹⁰ pa bo pudi sibi kuji kusa mas bon, pa na Dia di Kristu bo ta sta limpu, sin kulpa.

Filipensis 1:10 ပူးပေါင်းရင်းမြစ်များ

Kumsada 20:5

Nta omi ka falan kuma i si irma? Minjer tambi i ka falan kuma i si ermon? N fasi es ku bon korson, ku mon limpu.”

Jo 12:11

Nta oreja ka ta purba palabras suma ku boka ta purba kumida?

Jo 34:3

pabia oreja i ta purba palabra suma boka ku kumida.

Mikeias 3:2

Ma bo ta odia kil ki bon, bo gosta di mal. Bo tira elis peli ku karni riba di se os.

Mateus 16:23

Jesus rabida i fala Pedru: “Sai ña dianti, Satanas! Bu na disvian di ña kamiñu, pabia bu pensamentu i ka bin di Deus, ma i di omi.”

Mateus 26:33

Pedru ruspundi i falal: “Nin ku tudu disau, ma ami, nunka N ka na disau.”

Bon Noba di Jesus Kristu ku Jon 1:47

Jesus oja Natanael na bin pa el, i falal: “Ali un israelita puru ku ka ten finjimentu.”

Bon Noba di Jesus Kristu ku Jon 3:20

Tudu kilis ku ta fasi mal e ka ta gosta di lus, ma e ta libra del, pa kusas mau ke ta fasi ka ojadu.

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

Romanus 12:2

Ka bo fasi suma ku mundu na fasi, ma bo disa Deus arnoba bo pensamentu, pa rabida bo manera di yanda. Asin bo ta pudi rapara kal ki vontadi di Deus, kil ki bon, i pirfitu, i sabi.

Romanus 12:9

Ka bo ten amor finjidu. Bo nega mal; bo pega na kil ki bon.

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

Romanus 2:18

bu nsinadu na lei tok bu kunsi vontadi di Deus, bu na seta tudu kusa bon,

Romanus 7:16

Si N fasi kil ku N ka misti, N seta kuma lei i bon.

Romanus 7:22

Dentru di mi N gosta di lei di Deus,

Romanus 8:7

Pensamentu di no naturesa i inimisadi kontra Deus; i ka ta obdisi lei di Deus. Na bardadi i ka pudi.

1 Koríntius 1:8

I na guarda bos firmi te na kabantada, pa ka bo fika kulpadu di nada na dia di no Siñor Jesus Kristu.

1 Koríntius 10:32

Bo yanda na bon manera, ku bo ka ta pui nin judeu, nin gregu, nin igreẑa di Deus pa i kai.

1 Koríntius 8:13

Asin, si i kumida ku na fasi ña ermon peka, nunka mas N ka na kume karni, pa ka N sedu kil ku na pui ña ermon pa i peka.

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

2 Koríntius 2:17

No ka sta suma manga di utru jinti ku ta konta palabra son ku interes di ngaña, ma dianti di Deus no ta fala di Kristu na bardadi, suma ku Deus mandanu.

2 Koríntius 6:3

No ka misti pa ningin oja falta na no tarbaju. Asin, no ta libra di pui mbaransu na kamiñu di algin.

2 Koríntius 8:8

N ka na da ordi, ma N na konta kuma ku utrus sta pruntu pa juda, pa N jubi si bo amor i di bardadi.

Gálatas 5:11

Ami, ermons, si inda N na fala pa jinti sedu sirkunsidadu, pa ke ku N pirsigidu? Ne manera N ka na fala di krus pa ka N ofindi ningin.

Efésius 4:15

ma pa no fala bardadi ku amor, pa no pudi kirsi kompletu na Kristu ki kabesa.

Efésius 5:10

Bo buska sibi kusa ku Deus ta kontenti ku el.

Efésius 5:27

pa i pudi pursental pa si kabesa, un igreẑa gloriosu, sin manca, sin marlota, nin kualker utru difeitu, ma puru, ku ningin ka pudi culil dedu.

Efésius 6:24

tambi pa fabur di Deus sta ku tudu kil ku ama no Siñor Jesus Kristu ku amor di bardadi.

Filipensis 1:16

Esis e fasil pa amor; e sibi kuma Deus pun pa N difindi Bon Noba.

Filipensis 1:6

N sta sertu di un kusa, kuma, kil ku kumsa e bon tarbaju na bos i na bai dianti ku el, tok i kompletal na Dia di Kristu Jesus.

Filipensis 2:16

kontra bo na da elis palabra di vida. Si bo fasi asin, N ta ten ku njata na bos na Dia di Kristu, pabia i ta mostra kuma tudu ña kurida ku ña tarbaju i ka sedu amonton.

1 Tesalonisensis 3:13

N misti pa i fortifika bo korson, pa bo sedu puru, sin kulpa dianti di no Deus Pape ora ku no Siñor Jesus bin ku tudu kilis ku pertensil.

1 Tesalonisensis 5:21

Bo proba tudu; bo guarda kil ki bon.

1 Tesalonisensis 5:23

Deus propi ku ta danu pas i ta fasi bos puru na tudu manera. I ta guarda tudu parti di bos, spiritu, alma ku kurpu, sin kulpa te ora ku no Siñor Jesus Kristu bin.

Josué 24:14

“Asin, bo rispita SIÑOR, bo sirbil ku korson limpu, ku bardadi. Bo bota fora ki deusis ku bo papes sirbiba kontra e staba na utru ladu di riu Eufrates tambi na Ejitu; bo sirbi SIÑOR.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.

Apokalipsi 2:2

N sibi ke ku bu fasi, bu tarbaju ku bu pasensa. N sibi kuma bu ka pudi nguenta jinti mau; bu proba kilis ku fala kuma elis i apostolus, ma e ka sedu; bu oja kuma ke munturus.