Filemon 1:9 - BIBLIA - traduson antigu in Krioulo

⁹ ma N misti pidiu, pabia de amor, mesmu ku N sedu Paulu bejoti, gosi prezu pa amor di Kristu Jesus.

Filemon 1:9 ပူးပေါင်းရင်းမြစ်များ

Salmus 71:18

Gosi, suma ku N beju, ku kabelu branku, ka bu bandonan, o Deus, tok N konta bu forsa ku puder pa jorson ku na lanta na futuru.

Salmus 71:9

Ka bu negan na bejisa, nin ka bu bandonan ora ku ña forsa na kaba.

Ditus 16:31

Kabelu branku i koroa di gloria, si i yangasadu ku vida justu.

Isaias 46:4

Te na bo bejisa, ami N ka na muda; N na toma konta di bos tok bo tene kabelu branku. I ami ku kumpu bos, ami tambi ku na leba bos, N na toma konta di bos, N na guarda bos suguru.

Romanus 12:1

Asin ermons, pabia di garandi amor di Deus, N na pidi bos pa bo ntrega bo kurpu pa i sedu suma un sakrifisiu bibu, dedikadu son pa el, pa kontental. Es ki adorason ku bo dibi di fasi.

2 Koríntius 5:20

Asin, no bin suma mbaŝadur di Kristu. I suma ki Deus propi ku na roga bos ku no boka. No pidi bos, na nomi di Kristu, pa bo fasi pas ku Deus.

2 Koríntius 6:1

Anos ku na tarbaja juntu ku Deus, no na pidi bos ku risibi ja fabur di Deus, pa ka bo tenel na nada.

Gálatas 3:26

Pabia di fe na Kristu Jesus, abos tudu bo sedu fijus di Deus.

Efésius 3:1

Pabia di kila, ami Paulu, katibu di Kristu Jesus pabia di bos jintius, N ora Deus.

Efésius 4:1

E ku manda, ami ku sedu katibu pabia N na sirbi Siñor, N roga bos pa bo vivi konformi manera di vida ku bo comadu pa el,

Efésius 6:20

N sedu mbaŝadur de Bon Noba kontudu N sta prezu. Bo ora pa N ten koraẑen pa fala del, suma ki dibi di sedu.

1 Timótiu 1:12

N gardisi kil ku dan forsa, ku sedu Kristu Jesus no Siñor. N falal obrigadu pa manera ki ojan fiel, i pun na si tarbaju,

Titu 2:2

Konsija omis beju pa e sedu seriu, ku bon juisu, ku pudi guberna se kabesa, ku kunsi bardadi, e fia nel, ku ten amor, ku firmesa.

Ebreus 13:19

N roga bos ku mpeñu pa bo ora, pa N pudi tornadu pa bos mas dipresa.

1 Pedru 2:11

Ña kiridus, suma ku bo sedu ospris stranjeru, N pidi bos pa bo libra di mau diseẑu di kurpu, ku ta geria kontra alma.

Ŝefis 21:22

Ora ku se papes o se ermons bin keŝa na no mon, no ta fala elis: ‘Bo ten pasensa, bo ten dur delis. No ka oja minjeris pa kada un delis ne gera. Bo ka na ten kulpa, pabia i ka abos ku da bo fijus pa elis.’ ”